هنا

[بهلول الرشيد]

روحي ترد من تمر يلي مسچ راحتک
حطيتلي بل گلب تطحن قهر راحتک
عن راحتي ماتسل وآنه ابفکر راحتک
لاوين اظل منجلي ابهمي وگولن يمر
مايوم ريجي حله ابحنضل عشرتک يمر
شفتک حطب کثرت واتزيد ناري يمر
من دم چبدتي تخضب ياترف راحتک

منقول

[بهلول الرشيد]

شفاف لابس ونة روحي اعلة روحة ترف
ماوصلت ايدي لعد خدة وعرفتة ترف
فتك اجروح الكلب جندوب روحي ترف
طين وخبط مايتي مافاد اصفي وشب
وفي بحر العيون كم شايب الغرك وشاب
لو مر علية شعل نار بضلوعي وشب
وسلمت حالي الة وراياتي كامت ترف

[بهلول الرشيد]

يانفس يازي جهل بطلي اللعب ومراح
شيب العوارض ترة حط الضعن وامراح
ثلثين عمرج كضت وهذا ألثلث هم راح
مالج خبر بالذي نادى العمر بس عود
والناس هذا بشكه وهذا بفرح وسعود
من شاف تالي الورد بالكاع يلبس عود
خلاه مر الندم يضرب ألراح براح

[بهلول الرشيد]

راحن ايام السعد ماظن بعد تنعاد
أدفتر حياتي قصص أشكال ماتنعد
هموم ومأسي وصبر وافراح ماتن عاد
وأيام هذا ألعمر حسبات حيف أنكضن
ومن البواجي يغالي أجفون عيني أنكضن
أنجان اجروحك عالجهن وأنكضن
أجروح كلبي يغالي أكثار ماتنعد

[بهلول الرشيد]

استغفر الله موش ااانة الحسبتك كرب
حدما فدانك وصل ضلعي وبروحي كرب
وخليتني من كرب اطلع واطيح بكرب
وما حسبت بالجذب تنشد علية وتمر
وانت بشديد الوكت تنهة علية وتمر
جمار من نخلتي اطيتك وسعف وتمر
وتكلي ما حصلت من نخلتك بس كرب

[أريج الروح]

رائع جداً
سلمت و سلم ذوقك الرفيع استاذي العزيز
دمت و دام تألقك
تقديري و تقييمي لشخصك الكريم

[غريب الروح]

اليوم ياااااهو الي لاجم قلبك
بس كلي عليه
تسلم وعاشت ايدك

[بهلول الرشيد]

ناديت ولف الصبا لاصد ولا ردالي
ولصبي يهمل دمع ماخله ابد راده الي
مايوم شفته بلطف بس بغضب رد الي
كتله شعجب لاذنب تهجر يبن كصتي
وماظل طفل بالطرف ماسولف بكصتي
خليتني بلا وعي أغبك على كصتي
انجان راده الك وياك ألف راده الي

[بهلول الرشيد]

خيم علينا الفكر من بوش جا غازي
بانزين ما يلتكه لا كاز لا غازي
وطيور بيها بله لابيض لا غازي
ولا صوصي ينقر بعد لاديك لا وزة
والوجبة ضلت اسم لاجاي ابو الوزة
اجمع سجور وحطب لتنوركم وزه
لئن رجعنا بوش النذل لعهد الملك غازي

[بهلول الرشيد]

ايام ما بينت وين الوكــــــت وداك
ابعدك عني الزمن لو غيرت ودك
ان چان تنسى المحبه يا صاحبي ودك
اني بوسط الحشى راسم الك لوحه
وابحر حبك تاهت روحي مثل لوحه
والله ورب العرش وكتابه ولوحه
ما جوز عن عشرتك يا صاحبي وودك