لملميتچ ...
شعرة .. شعرة
وگوه سويتچ ضفيرة ..
وكبريتچ.
رغم چانت ..
دنيه مو حلوه وصغيره .
چنت اخافن المس ايدچ ..
((ضامهه لوكت الحلال)) ..
ما دريت الدنيه دارت .
تنكر الصحره الرمال ..
وين الگالي التوافي ..؟
و وين الگالي حبيب ..؟
الچنت احرمهه عليه ..
اتحللت يم الغريب ..!!
رايد افهم شنهو ردت فعلچ بوكت العرس .؟
اني ساكت .. بس لگيت تعاتبچ جن وانس ..
يعاتبنچ وين وعدچ.. ويه غيرك ما احس ..!
ووين چلمات الحنان ..؟؟
ووين چلمات الهمس ..؟؟
خدودي صفره من فرگتچ ..
بصُفره غروب الشمس .
وعيوني تنعي من غيابچ ..
صعبه لو گلتلهه اسس.
جفني هذا تشوفه طيب .
بس شكل .. كلش شرس .
ياكل بدمعات عيني ..
بلا شهيه .. بكل شراسه ..
يريد يتذكرله مواقف ..
عالدمع لازم حراسه ..
اتطبگ الساني بغيابچ ..
رغم هو ابن المضايف .
گلبي چان يخاف بعدچ ..
حته وي نبضاته خايف ..
چنت احس راح انتفارگ..
بالحظه المَشوُ عليچ ..
وهسه مجبوره اعله عشرة ..
وطلعت الشغلة من اديج ..
واعتقد مفهومه قصتي ..
ابلا حبيب ولا ونيس ..
الورده انه الجنت اشمهه ..
انگطعت بذاك ( الخميس)
رد مع اقتباس
المشاركة الأصلية كتبت بواسطة احمد الفجراوي
