يسقط سجن شوكك ولك مو مليت
مامرة رحمت بحال مسجونك
شفتني لوحدي وانت جمالك جيش
واحتليت قلبي الماكدر دونك
راح ادخل حرب صبرك بدون سلاح
واشمت بيك كل المايكدرونك
واجبرك تنسحب متعذب ومكسور
واشلع ضحكتك من لمعة سنونك
انا نطيتك عمر شمعة عذاب وليل
بس كلي الخذوك شراح ينطونك
ثواني بلا سبب كدرو يغيرونك
قلگ
گد المشوو
گد الإجوو
بكثر الأموات الماصحوو
مشتاقلگ گلشش انا
يل ما گلت
مشتاااقلي
كافي مو كل يوم تجـــرحني وتروح
هاي ماطلعت محــــــبة ولا عشگ
أضحك بوجـــــهك چذب وبگلبي نار
واكتم انفاســـــــــي بمرار وأختنگ
هواي جامــــلتك ترى ومنطيك عين
وبعد ماظل صـــــبر عندي ولا خلگ
وآني ياابن النـــاس ماضمها عليك
تزعل انت هواي من حچي الصدگ
انت شمعة وآني صــــاير بيك خيط
وانت صح تموع .. بس آنه احترگ
عفية بضميرك ماكلت ميصير..!
شاب بعمر الورد بيدك تفجرة
ماكلت امة متانيتة يرد للبيت !
ماكلت خوانة ينتظرونة بالسهرة!
ماكلت ابو راد يشوفة عريس!
يزفة لبنت الاصايل مو لكبرة
ماكلت الة اصحاب يفتقدوه !
جان الهم ونس لو صارت السفرة ..
ها حبيبي . اعتذر والله نسيت
وداعتكـ مامنتبه حبنا خلص
اني راح ادعيلكـ تحب الخذاكـ
وانته لا تدعيلي احبك غيركـ شخص
نصحت الكلب من حبك ولا فاد
وجويته بنار صدكني ولا فاد
هواي علاج جابولي ولا فاد
دواي أنت يهل مبعد عليه
هجرت القلم من بعدك والكتاب
دليلي من العشق بطل والك تاب
وحق العرش والكعبه والكتاب
تضل انت اعز محبوب اليه
اوكف يازمن لا ترحل ارجوك
وين الكة الاحبهم عفية وديني
عندي وياك كلمة وكلمة اعتاب
ليش اصحابي همة الذبحو سنيني
اوكف يا زمن لاتنطي الاعذار
جثة بلا هوية شلون ترميني
باعوني الاحبهم يازمن وتشوف
واني شكد فديتك مرة دفديني
ردتك من تضمني تضمني بالعين
مو دمعة رخيصة بسرعة تبجيني
ردتك عون الية تصبر الروح
ما ردتك حبال تجتف ايديني
عنك سولفت حتى ويه نجم الليل.....
..وخاويت السهر والليل ونجومه
ينيمني السهر ويكلي كافي ارتاح....
..وانسه اللي تحبه واترك اهمومه
ويعاتبني الظلام شعندك انت وياي..
...اكله بوجهك انه اذكر رسومه
حكهه الروح تعشك والعشك مو عيب..
...بس عيب اليخلي الروح ملجومه
مَآ ٱجّمل آلٱنسْآن ٱلذيْ :
-» يتْٱلمُ ولٱ يَتّگلمْ
-» يُحبْ ولٱ يَخّون</3
-» يَبّگيْ ولٱ يَصْرخُ
فليّسٌ گل ٱنسْآڼ مَبتُسْمٌ سَعيّد
فَورآءُ گل ٱبْتسّآمہٌ ٱلمُ شَديْد </
رد مع اقتباس