هنا

[أنثى حائرة]

بسم الله الرحمن الرحيم
اني عندي مشكله واحب بعد الاستعانه بالله مسعادتكم حتى لو بكلمه فكما قال الرسول الاعظم ص الكلمه الطيبه صدقه
احب احجيلكم مشكلتي اني عمري 33 سنه متزوجه صارلي 3 شهور بقيت مع زوجي شهرين وزعلت لان ما اتحملت العيشه وياه زوجي يشرب الخمر ويشك ويضربني وتعبت وهسه انه يم اهلي مع العلم هذا الزواج الثاني اليه محتارة شسوي وخايفة اتطلك مرة ثانيه مليت من التفكير ومن حجي الناس ومن كلشي بس كلولي شسوي

[عضوية57049]

بس كنت اتمنى تحجين عن الموضوع اكثر و تتعمقين حتى نعرف اذا للمشكلة حل لو لا -.-

[Ćat]

سبق وطرحت رأيي عزيزتي
عندك طرق اولا لا اطفال لا تجيبين اذا تضل كذا حالته
شوفي اهلج خل يسوون حل لان ممعقوله تبقين عند واحد يشرب خمر ويضرب !
اصبري , وحاولي تغيريه بالكلمه الطيبه والمعامله الحسنه
استعيني باهل البيت ان شاء الله ميقصرون
ودي لكِ

[إبتسـامة فـــآترة]

حبيبتي انصحي انه يترك هذا المنكر الي ديشربه عسى ولعل يتعظ
وادعي الله يهديه ..
اما اذا بقى هيجي فإطلكي أحسن الج ترة الحياة مو بس زواج
يجوز اكو غيرج ممتزوجات ومرتاحات عادي اذا اطلكتي
وحجي الناس ميخلص منا ليوم القيامة انطيهم اذن الطرشة ولتهتمين لكلامهم
الله يفرجهة عليج

[ذكريات ٢]

ديري بالج تطلكين منه اسالي الله يهديه ويكف عن شرب المنكر هذا الزفت المشروب اللي ابتلت الناس بيه وخرب بيوت ديري بالج عيني ابقي زعلانه الى ان الله يفرجها

[فونة]

شلللللللون...لا وفوكاهة محتارة وتريدين مساعدة ومنزله موضوع حبيبتي يشرب خمر ويشك ويتجاوز عليج هذا كله وبعدج محتارة؟؟؟؟؟ ارفعي عليه قضيه بالمحكمة وتطلكي غصبا عنة وشنو يعني هذا الزواج الثاني ...خلي ثقتج عاليه بنفسج وعوفي اهم شي بالانسان هي مكانته...هههههه والله لو اني منج جان من اول يوم اشمر الحلقة بوجهة...

حبيبتي اهم شي نفسج...وحتة لاتحاولين تنصحينة لان مثل هيج بشر مينصح...هذا يستاهل يضل طول العمر بالسجن

[نرجس]

أسفة أسفة أسفة ما كنت أعرف هيج أسفة والله اعذريني أشو مريضة ودايخة يالله ميخالف
اممممم

رأي يا أختي الغالية لا تطلكين ولا شي بشريعة أتكول أذا الشخص يشرب عرفتي بعد الزواج

فعندج حلين الحل الأول أنو تطلكين الي يبعدج ويبعد السامعين
والحل الثاني تبقين وياه بس بشرط متاكلين من نفس الأكل يعني
أنطي أكلة بحدهة وبنسبة أذا معاملتة مو زينة فمعليج بس وسوي نفسج مسمعين شي


وأسفة مرة ثاني وشكرا للتنبيه عزيزتي كات وفونة

[ضياء الصافي]

تحملي واصبري حتى يجد الله لكِ مخرجا
وتوكلي على الله فهو حسبكِ

[λħɱεɖ]

اصبري والله يفرجهة

[علياء الموسوي]

اختي العزيزة
نصيحتي الج انه ماتطلقين مهما حدث لانه زواجج الثاني وتعرفين كلام الناس مايرحم
حاولي ان تسيطري على امورج وتكوني اكثر حكمة لاتتسرعين بأتخاذ قرار يؤدي الى نهاية فاشلة
وطبعا من حديثج عرفت انه انتي امرأة محافضة وماتريد تتطلق ولهذا طلبتي النصح والمساعدة
وهذا الشي موعيب
ذكرتي انه زوجج يشرب خمر ويشك هذا الشي موجديد على رجال مايحترم زوجتة وميقدرهة ويشكك بنزاهتهة
ورغم هالشي انتي متحملته وهذه حكمة منج انه تتحملية
حاولي ان تجلسين وياه وتتحاجون بهدوء وفي حال انه صار عصبي اسكتي ولاتحدثية ومن يهدأ
ارجعي مرة ثانية وحاجي بهدوء واذا ماسمع منج وصار عصبي تجنبيه لايام وبدون كلام
يعني تنفدين الاعمال الي يطلبهة منج لكن بفم مغلق عسى وان يعرف خطئه ويرجع لطريق الرشاد
وتكدرين بكلمة طيبة انه تنصحي حتى يبطل الشرب وعسى ان توفقي

اسفة للاطالة واتمنى لكِ السعادة والتوفيق