هنا

[حّلأُتًيّ بِرُوُحّيّ]

شوفي حبيبتي طبعا كلام اشواق غاية الروعة اخذي بي كنصيحة وانتي بنية عاقلة وفاهمة فيا حبيبتي انتي تعرفين مجتمعنة شلونة فالطلاق موحل نهائي انتي هذا حظج وهذا المكتوب الج من ربج ومقسوملج واكيد انتي عندج شمات وحاقدين فمن تطلقين راح تطيهم فرصة يتمهزلون ويحجون عليج واذاعندج اطفال اتحملي لخاطرهم والمراة لازم تتحمل الرجال على الحلوة والمرة وترى صدكي واخذيها مني يجي يوم زوجج راح يحس بيج ويحس على نفسة ويبطل الشرب لان الانسان الة عدة جوانب الزين والشين وغيرها وانتي بعد بقت يمج احنة علينا اسدينا النصيحة حسب طلبج وربي يوفقج ويسعدج ويحقق الي ابالج

[ملكه على عرش الاناث]

استعيني بااهل البيت وزوري الامام الكاظم.ومراح يقصرون
ثاني شي الافضل ان تتطلكين وتخلصين منه .هذا بحال اذا انتي
قبل الزواج ماتعرفينه يشرب خمر...
امااذا كنتي تدرين وقابله فهذا الاختيار انتي والطريق
طريقج ومع للاسف تزوجتي واحد يشرب خمر
وكلمي اهلج وتكلموا مع عشيرتكم وخلي تروح
لعشيره زووجج.. وبهاي الطريقه تكونين وجدتي حلول كثيره

[شيفرة دافنشي]

يشرب الخمر؟ يشك؟ يضربك ؟ اطلبي الطلاق و أصري عليه

[fairy touch]

يعني اني استغرب من كل من يكول اصبري ..و اسكتي ..و كلام الناس ..و اللي ينصحها ما تاكل وياه و اللي ينصحها تبقى زعلانة بس ما تتطلك ... و اوجه كلامي بالخصوص للبنات ...
يا شابات انتو تخيلتو نفسكم بمكانها ...تنهانون ..و يشكون بأخلاقكم و يشربون ...و فوكاها منو ؟ الشخص اللي هو زوجها ...اقرب الناس الها ...اعتقد ماكو داعي الواحد يعيش هيج حياة سخيفة ...مو حياة هذي ..موت .
نصيحة عزيزتي ...لا تبقين وياه يوم واحد ..اتخلصي من هاللعنة ..و الله يوفقج

[Samer]

لمثل هيج اسباب .. شرعوا الطلاق .. و ماكو داعي للصبر .. إذا ماكو امل للإصلاح

[هيومتي]

​الله يساعدج ..حبيبتي مالج غير الطلاق اهلج شنو عنوانهم لعد ميحلوه ..والشي ثاني تره الرجال بس هم وطيحان حظ فطلكي وخلصي .الله يسهلج

[الحالمة]

عزيزتي الناس كدة كدة تحجي ع المزوجة وع المطلقة وع البعدها ممزوجة
محد ايحس بيج لان معايشين الي عايشتة الي هو انو عايشة بالاهانة والشك والضرب
ومدام انو هو مينصلح الافضل الطلاق لان اذا تبقين ع العالم راح اتخسرين نفسج
وبعدين الله محلل الطلاق فتوكلي ع الله وخلصي من هيج حياة مابيها معنى الراحة

[الحنونة]

حبيبتي لو أضع نفسي مكانك مستحيل أتحمل شخص يضربني
و يشك ما دام يشك يعني هذا الشخص يعتبر كل النساء غير مخلصات لماذا لأن هو شخص غير منضبط مع إعتذاري لك يعني هو على الأكثر كانت لديه علاقات مشبوهة مع النساء قبل الزواج فلذلك يشك بالمرأة وشربه للخمر يزيد الكآبة و يذهب عقله قد يؤذيك أذية كبيرة وخطيرة فأنا سمعت من أبي في يوم قصة لأحد المعارف أنه رجل ضرب إمرأته على رأسها و هو سكران نتيجة خلاف بينهما على موضوع تافه مع العلم أنه يحب زوجته ولم ينفصلا لهذا اليوم مشكلته الوحيدة هي الشرب المهم أصبح هناك نزيف في داخل الجمجمة و بعد عدة أيام لم تستطع المشي و الحمد لله أجروا لها عملية و هي بخير
فلذلك لو كنت مكانك لن أقبل أن أعيش هذا الكابوس و فاليذهب كلام الناس في عرض الحائط