السلام عليكم
الساعة ثنتين ونص بالليل ...والكهرباء ميتة ....والنوم سيد الموقف....من هالظلمة ومن خلف ميز الحاسبة ..رح انقللكم اخر حدث ...فجأة يا اخوان شق سكون الليل صوت انفجارات ...وطيارات و اهتزازات ارضية عنيفة ...ببساطة اكو قصف ....وين ..وبيا منطقة الله اعلم ...صار حوالي ربع ساعة والقصف مستمر ...
تخيلوا ..قصف ابغداد ...يا ترا ممكن رح نعرف الحقيقة باجر ؟
لو الكل رح تغلس وكأن شيئا لم يكن؟
اووف صدك لو كال ابو المثل ..تالي الليل تسمع حس العياط.
نشوفكم باجر اذا الله خلانا طيبين.
اووووووف شوكت نخلص
اروح اشوف راديو سوا بلكي نغرق
شكو يا ستار ؟
ونحن بانتظار اخر التفاصيل
ربي يحفظ العراق واهله
شكراً فاير
اكلكم
ليش متنتخبوني ريس هع رئيس
اسويلكم العراق احلى من لاس فيكس
هاااي...طبعا الشغلة اتغلس عليها ومحد يدري شكو ...
بس اخر الاخبار اليوم من دا اروح للدوام وقبل ما يجيني ابو الخط بشوية ..خابرتني زميلة وكالت ايكولون الشوارع اليوم مو طبيعية ..مدري شكو ..اني ما راح اداوم ..
اني كلت خل اتوكل على الله ...
اجى الخط وطلعنا ..خابرتني زميلة اخرى ..يابة شكو ...يابة زوجها طالع من الغبشة يريد يوصل للمستشفى ورجع لأن ما كدر ..الشوارع كلها مسدسدة ...كلتلها شأسوي ؟ ارجع ؟
كالت كيفج بس اني ما اكدر اطلع بعد لأن منطقتنا سدوها تماما .
كلت خل اتوكل ...وامضي قدما ...
وصلنا لراس الشارع .العالم كلها واكفة لا سيارات الخطوط مالت الموظفين جايتهم ولا اكو كيات ولا اكو غير السيارات الخصوصي اللي بكل سيطرة دا تتفتش بطريقة مو طبيعية ...
لهنا كتلة لأبو الخط ..فلنتريث...
دزولي مسج كالوا حظر تجول ...
لفنا ورجعنا ...
وهاي اخر الاخبار من بغدادكم الحبيبة ...
تحياتي.
اممممممممممممممممم
يعني فاير الا تسولفين هاي السالفة .؟؟
مو راح يكتلني الفضول ... اريد اعرف شصار ابغداد .!!
وانتي تعرفين من من تجيني حالة الفضول بخخخخ
عود اذا عرفتي بلغيني عفية .
فعلآ الوضع بغداد متأزم حضر تجوال وهوسة
بس لحد الان محد يعرف الي ديصير
بس اني دوختني سالفة القصف
ها .. هستوني شفت الموضوع ... الحمد لله على سلامتج
اليوم اني رحت ... و نص الشوارع مسدودة ... و الهمرات .. تارسة الشوارع و وكعنا بازدحام معدل ساعة و نص اني اسحك جكاير و سايق التكس خايف يكول (هسة يستغلون الازدحام و يسوون تفجير مثل ما صارت بفلان مكان و فلان مكان ) و اني اطمن بيه اكله يا معود كول غيرها ..هاي دولة القانون خخخخخ
عل عموم ..بعدين وصلنا النهضة .. و اكلنا خوش لبلبي و رجعنا بالكوستر ... و احلى شي بالكوستر انه هي عبارة عن مجتمع صغير مثل المنتديات ... يحتوي على كل اصناف البشر ..مثلا المعوق و المخبل و الـ حضري و العربان و النسوان و الجهال و كلشي و كلاشي و كلها تهوس و تهنجل .. و اني نااايم اغلب الطريق و اعتقد فاك حلكي ما متأكد خخخخخخخخ
يسلموو عالمرور اخواني...منورين
رد مع اقتباس