هنا

[مالك كرامتي]

تعال شغيرك احجيلي خل ارتاح
كلت لجلك احارب هيج تاليهه
تلعب بالحجي لعبه محيبس ليش
كل احجايه منك سم وماشيها
تبتزني بكلامك حته احجي اشكال
اكلك نفترك ودكول ناويها
خيولن ولك صارن قديمات
مايمشن علي بس انه امشيها
لان ماريد اكلك انته هيج وهيج
اخاف احجي وتكلي منين شاريها
وحتار بضحكتي بسمتي البشفاي
اذا اضحك صدك بدموعي تمحيها
تجيني تكلي خويه ها اكلك ها
وتكلبها عزه لو اني احجيها
بطرف السانك انت هواي كلمات
وحسن بيك حاير مادهديها
عله عينك اباوع بيها الغاز
بس منين ابدي حته انهيها
شنهو الغيرك اوهيج صرت وياي
مثل شمس الحقيقه شلون تخفيها
رغم من كلشي واضح انت ما غلطان
ما تنطي من روحك ما اسويها
مثل المجرم اليعترف بتعذيب
وبالمحكمه ينكر كلشي تاليها

[ملكه ع عرش ذاتي]

روعه..تدوم اطلالتك الراقيه

[ولاية علي]

شكرا لك
لكن
القسم مو مناسب

[¥محبوب$القلوب¥]

شعر جميل يحاكي الغزل بكلامه الرقيق