هنا

[بحار تائه]

سلام عليكم : أحب أشرح مشكلة صارت وية صاحبي وطلب مني مساعدته في حلها بس ما عرفت فكتبت هذا الموضوع على أمل أن تتفضلون وتساعدوني بإيجاد حل لمشكلة صديقي .
مشكلة صديقي كالآتي : بأول يوم من العيد الماضي خابره والد زوجته ثاني يوم راح صاحبي يودي زوجته لبيت أهلها ، دخلو للبيت وصديقي كعد وياهم ربع ساعة وراها أبو زوجته طرده من البيت ، خلال الربع ساعة اللي كعدها وياهم أبو زوجة صديقي تجاوز على صديقي وحتى تجاوز على عائلته (أقصد عائلة صاحبي) وكال له (بعد مالك زوجة بهذا البيت واذا انت رجال روح للمحكمة ورة ما ينتهي العيد) ، بعدها أخو الزوجة تجاوز على صديقي علماً أن الأخ أصغر من صديقي بسنتين مع هذا تجاوز وتهجم عليه ، صاحبي ردله (الكلام مو وياك وية والدك) كال الأب (هذولة اللي جاي تشوفهم كدامك كلهم والدها) وأشار الى أولاده الأربعة اللي كانو كعدين يمه ، وكمل الأب كلامه وية صديقي (آني أخذت من عديلك زوجته 5 أشهر حتى أروضه مثل الحصان) ، رده صديقي (بس آني مو حصان) ، كال الأب (اطلع من بيتي ، اطلع اطلع وبعد لا تجي مرة ثانية) صاحبي طلع من البيت . هسة صديقي ميعرف شيسوي أتمنى منكم تساعدوني حتى أشوف حل لمشكلته وأكون ممنون منكم ، وأعتذر حيل اذا أزعجتكم وياية تحياتي الكم .

[ٱجَمل ٱنٌسًٱنٌة]

اخي لازم حاجي ويه ابوها كلام وخلاه يحجي هيج ويطرده او مرته موصلة شيء لاهلها وصاير عدهم موقف منه

[حّلأُتًيّ بِرُوُحّيّ]

اكيد حاجي كلام موطبيعي يعني غالط بكلمة بدون قصد خل ياخذ ابو ويتفاهمون وي ابو زوجتة وخل يشوف رد زوجتة من الموقف ويا وي اهلها وانشاء اللة خير واللة يفك النزاعات ويهدي النفوس

[إبتسـامة فـــآترة]

والله المفروض من صديقك يعوفهم وليكبر براسهم
شنواخوانهة كلهم والدهة ..شنو هيةالدنية هيتة
وين احنة عايشين بقرية ..؟؟!

[¥محبوب$القلوب¥]

لــــــــــــــــــــــــ ــا تعليق

[الحنونة]

هناك شيء ناقص في القصة لأن ما معقولة واحد يتكلم على واحد كلام غير جيد ويطرده من المنزل إذا ما صار شيء يثير عصبيته يعني لو واحد وصل كلام لأبو زوجتك من أحد يريد أذيتك لو سامع شيء من زوجتك بدون قصد عنك وهو مراضي عنه يعني لازم أكو سبب لازم يعرف السبب حتى يتمكن من حل المشكلة و لا يتسرع في إتخاذ القرار بشأن زوجته
أما إذا لم يوجد سبب مقنع لفعله هذا فهو يعتبر غير طبيعي يجوز عنده مرض نفسي كالكآبة فعند ذلك لا يحاسب