هنا

[Hani Yaqoub]

مخنوكة حيل ودائما بين فترة وفترة تجيني نوبات مااكدر اتنفس وصدري يختنك واحس كأني ارد اموت او روحي تريد تطلع
عيوني من وحدهم يدمعن ..وجسمي دائما يوجعني ..

كلت اكيد هاي عين صابتني ف دائما اقرة قران واستغفر
بس ماكو تاثير احس روحي مخنوكة وتريد تطلع
كل يوم ابجي ومن دون سبب ونفسيتي تتعب بسرعة
وعلة اقل حجاية اتاثر واضوج
واتنرفز وانزعج من كل الناس
ارجوكم ..اريد حل مااعرف شبية

يجب ان تعرضي على طبيب وانت مخيره بين الائمه عليهم السلام وبين الدكاتره
بكل الاحوال مدام تامنين بالعين والحسد اذا لازم تارجعين ناس ساده عدهم بمعرفه هل الامور
لسببين اذا ما حاسدينج فراح يصير عندج اطمئنان وبالتالي ترتاحين واذا حاسدينج راح يعالجونج
ثانيا الضوجه والنرفزه والبجي ماله غرض بالعين هاي حاله طبيعيه تصيب هواي بنات وكل وحده اله اسبابه وتزيد وتقل حسب الشخص
وعليه لازم تشغلين روحج بطلعه بسفره بزياره بمشاركه فد شي مثمر جمعيه او مساعده فقراء لان هل الامور غيبيا تساعدج وماديا تحسن نفسج
واذا تصادقين بنات بعد احسن لان اذا سولفتي الهن راح تتحسنين ويخففن عنج
وابقي على القران قابل قريتي 10 سنوات وشفتي ماكو فايده
الا بذكر الله تطمئن القلوب

[fairy touch]

مرحبا
عزيزتي ....اعتب عليج لأن اكو اشياء مهمة جدا ما ذكرتيها ..اولها مرحلتك العمرية ...ثانيها وجود ظرف يسبب لك ضغط نفسي او لا ...ثالثها هل سبق و تم مراجعة طبيب او لا و شنو كان تشخيصه الاولي ..

من بعض اللي كلتيه راح اولا اكولج سالفة الحسد و العين انسيها ...لا حسد و لا عين .

اذا انت صغيرة ( مرحلة المراهقة / الدراسة الاعدادية ) غالبا غالبا هذي حالة نفسية نسميها بالطب حالات هستيريا ...و هي مو مثل ما المجتمع فاهم الهستيريا يتصور معناها واحد يكفش بشعره و يعيط و يصيح ..........لا ..ابدا ...هذي النوبات تتعلق غالبا بضغط نفسي او قلق او اكتئاب و تصير بشكل نوبات بالضبط مثل ما انت وصفتيها ..اختناق ..ضيق الصدر الم بعامة الجسم و خمول و احتمال تصل للأغماء ...طبعا الجسم هنا دا يستجيب للحالة النفسية و تبدي اعراض كاذبة تبين عليه ..يعني انت تحسين نفسك مخنوكة و ماكو هوا ..و الطبيب من يفحص الرئة بالسماعة يسمع الهوا يدخل و يخرج بصورة طبيعية ..هي اعراض كاذبة مثل ما كلت لج .

عموما ..مثل ما نصحوج قبلي الاخوة و الاخوات ..مراجعة الطبيب جدا ضرورية حتى نستثني الامراض العضوية و بعدين العلاج يكون جدا سهل ان شالله ..اهم شي لا تقلقين ..بس بنفس الوقت لا تهملين مراجعة طبيب ..و عندج العافية .

[قاهر]

اولا اقري القران وثانيا لاتجهدي نفسك بالتفكير وثالثا غيري ديكور حياتك وغيري جو