مخنوكة حيل ودائما بين فترة وفترة تجيني نوبات مااكدر اتنفس وصدري يختنك واحس كأني ارد اموت او روحي تريد تطلع
عيوني من وحدهم يدمعن ..وجسمي دائما يوجعني ..
كلت اكيد هاي عين صابتني ف دائما اقرة قران واستغفر
بس ماكو تاثير احس روحي مخنوكة وتريد تطلع
كل يوم ابجي ومن دون سبب ونفسيتي تتعب بسرعة
وعلة اقل حجاية اتاثر واضوج
واتنرفز وانزعج من كل الناس
ارجوكم ..اريد حل مااعرف شبية
استمري بقراءة القرأن
وروحي للزيارة زوري احد الائمة ما يقصرون
وان شاء الله خير
خلي عندج ايمان برب العالمين ..
ودائمآ ادعي انو تنحل مشاكلج .. او تتخلصين من الحزن الي انتي بيه ..
رح ادعيلج تتحسن نفسيتج ..
ولو الانسان هو الي يصنع الحزن بداخله احيانا ...
هلا عزيزتي ربما تكون اسباب صحية فالاحسن تراجعين طبيب للااعرض الاولى الاختناق وغيره
او نفسيه واعتقد هي السبب غالبا
بسبب الحالة نفسيه تصير حاله الاختناق وقدتصل الى حد الاغماء
حاولي تغيري نفسيتج طلعي سوي شيء انت تحبيه ولابد من وجود مشكله راجعي حالج وشوفي شنو الي مضوجج وحاول تحليه بمساعدة من حولج الحمدلله انت تكولين تقرأين قرآن وانسانه مؤمنه الله يفرج عنج ان شالله
والله ياعزيزتي هي الدنيه كوله خنگه..
استغفري الله واقري قرآن..
شويه غيري جو البيت رفهي عن نفسج اطلعي لاي مكان وتونسي وارجعي
وان شاء الله تتحسن نفسيتج
..
السلام عليكم
المفروض تراجعين باسرع وقت الطبيب النفسي .. خصوصا اذا هذه الحالة صارت بعد صدمة او حادثة معينة او نتيجة ظرف عائلي معين
ايضا .. تحتاجين تحاليل كاملة و مراجعة اطباء الباطنية والاعصاب
مرحباً : استمري بقراءة القرآن والدعاء ، واحتمال تكونين تعرضتي لمشكلة أو أزمة نفسية فالأفضل مراجعة الطبيب النفسي وقد تعانين من فقر الدم فهذا أيضاً يسبب نحول وكسل وأحياناً ضيق أو قد يكون لديكِ نقص في هرمونات الثايروكسين التي تفرزها الغدة الدرقية ، الأفضل مراجعة الأطباء من كل الاختصاصات وإجراء فحص وتحاليل شاملة أيضاً مارسي بعض التمارين الرياضية الصباحية وجربي الاستماع الى الموسيقى الهادئة مثل ألحان الموسيقار Yanni ياني ، وجربي الخروج في نزهة الى مكان فيه أشجار كالحديقة العامة ، بالمناسبة ان كنتِ تستعملين الهاتف المحمول بكثرة فحاولي تقليل استعماله واحذري وضعه في مكان قريب من القلب أو الرأس فهذا يؤثر على نشاط الخلايا وقد يسبب مشاكل كالكآبة وضيق التنفس وغيرهما .
الاستمرار على قرأة القرأن والدعاء................شكرا
ياعمري انتي هاي الحالات تصير مرات عند البعض بسبب مشاكل بل بيت او بل عمل او اوضاع البلد والخوف من مجهول فتاثر على الحالة النفسية فنصيحتي الج ياوردة مارسي الرياضة واحاولي تشغلين نفسج بشي والشي الاهم الاستغفار مهم ومفيد والصلاة على محمد وانتي اكيد تعرفين ذني الشغلات ماحاجة نكلج بيهن ادعي ربي يعطيك الصحة الدائمةوالتوفيق تحياتي
وداعتج اني همين ضايجه
رد مع اقتباس