{ابد مو ذيب طبعي}
........
.......
أبد مو ذيب طبعي.... ولاني غدار
ولا مثل الثعالب.... طبعي البوگ
صگر آنه... وعلى الغيمات أندار
وأظل بالعليا عايش دوم ليفوگ
رغم عوزي وخنگتي وكل الاضرار
أبد مابين من...... العوز مخنوك
أظل بخير أگولن...... وأكرم الجار
وأنه تعبان حالي وسحگ مسحوگ
أذا صاحب ....نخاني بساعة النار
گبل ما يحترگ... يلگاني محروگ
أحب الناس طبعي... طبع الازغار
واسامح من يكون الغير محگوگ
الفضل مو للذي.. صار من الكبار
فضل الشجر من يكبر... للعروگ
على العليا تظل ..مذكوره الاحرار
وعلى الطاغي يظل العار ملزوگ
أبد لا تحسبلها..... وتظل محتار
الدنيه وداعتك ما تسوه مسحوگ
أصبر ع الحزن مهما الزمن جار
تعدا ما تعدا..... الفرح ملحوگ
أسدن مسمعي...... للينقل أخبار
وافتح باب گلبي.. لليجي بشوگ
حبيبي إلي نساني بگلبي أله دار
لغيره ما أظن ...تنسكن وتلوگ
على گلبي هواه.... مگدر أگدار
مثل مطبگ الچوبي طبگ مطبوگ
.................
.........كلمات
ناصر اسماعيل الموزاني
رد مع اقتباس
