قصة عبيس وام الكيمر
عبيس جندي عراقي فرار(هارب) من الجيش بوكت صدام والمنطقة كلها تعرفة فرار
.انطوا عفو عام وامة والناس نصحوه يلتحق احسن ما يعدمة صدام ، والتحق عبيس للجيش وراح لساحة سعد حتى يلتحق بوحدتة بالبصرة .بالساحه كعد يم ام الكيمر والجاي (واكل 13 لفة و 7 استكانات) ﻻن ام الكيمر حلوة وكل ما تناوشة لفة لو جاي يلزمها من ايدها ،، اخوها يمها يبيع لبن ويراقب (عبيس صار عصبي وهفه بتوثيه على راسه وسبحه بدمه ونقلوة للمستشفى وارتجاج بالمخ ورة ثلاثة ايام كعد عبيس وكلهم اني وين وحجولة القصة
.طلع من المستشفى وراسة مشدود وبدلتة متروسة دم وتلكتة المنطقه كلهم والجهال ركضوا ﻻمة يبشرونها عبيس متصوب(جريح)وامة تهلهل والناس تبوس بيه ﻻنه بطل
جيرانهم رفيق حزبي قنقينة يلح عليه شلون انجرحت شلون انجرحت ايلح عليه سولف عبيس
. كلهم وصلت لساحة سعد ولكيت الطيارات مسويه الجنود لحم واخذتني الغيرة من انضرب ابو الرباعية وجان اكعد بمكانة واطيح نص الطيارات بس خلصت عتاد وواحد من الطيارين شافني وجان ينزل علي بطيارتة وكف فوك راسي وجان ينزل الجامه مال الطياره ويهفني بتوثيه ومالكيت نفسي اﻻ بمستشفى الجمهوري
..
قصة عبيس
مثل حكومتنة وبرلمانة وسياسينا ياهو اللي تلزمة بطل
ومصلح ووطني وگلبه على الشعب وياهو تلزمة سجين سياسي وشهيد سياسي ومعارض سياسي ..
هو البلد شطيح حظه غير عبيس ؟؟؟
رد مع اقتباس
المشاركة الأصلية كتبت بواسطة حيدر الطائي
