ماهزك ضميرك
وصل بيك ألقطار ألأخر ألمشوار ...
وضميرك صاح نازل وأنته نزلته ...
عفت حبي وحناني وعشرة ألأيام ....
ماهزك ضميرك گلبي من خنته ؟.....
صرت حيل أنزعج لو مر علي طرواك ...
ودفتر ذكرياتك بيدي شگگته ....
عفتني باألألم وجروحي مفضوحات ....
ومواويل ألحزن لجروحي سمعته ....
ياوسفه وندامه وفوگهن ياحيف ....
من طاح ألحمل وياي ماشلته ....
تره ألدنيا مواقف بين هاي ألناس ....
وأصحاب المواقف كلهه ذاكرته ....
من طبع ألجرح يتعالج أيطيب ....
بس ألأثر يبقه أشما عبر وكته ....
دنيا وبيهه أعيش أشلون ماكان ....
لأن كل ألبشر للموت أخرته ....
ما أهتم بعد لو ردت عني أتروح ....
أسمك من خيالي ومن عقل شلته ....
=====================
ضياء ابو خالد ... واسط
=====================
25\7\2015
=====================
رد مع اقتباس
