دارميات من الموروث للذواقة فقط
دارميات ورثناها من اباءنا ولكن للاسف لا نعلم قائليها الا البعض منها
وهذا البيت اهديه الى اعز انسانة :
احااا ينار جفاك ما تطفي بشطوط
جا حركت ابراهيم لو بيهه محطوط
.................................
يلتسئل اعله الحال هذه انه حالي
ارعى بحلال الجان يرعى بحلالي
.....................................
يلتسئل اعله الحال هذه انه باروود
عايز وحك عيناك بس جدحة العود
.....................................
جنت اصعد اعله الخيل انه وحديدي
هسه من اكوم الكاع ادفعهه بيدي
..................................
بلمي وخذوه بليل وتوسط الشط
حس بيه ما موجود طك بيهم وغط
................................
جرب صديجك يوم وغثه بحجاياك
وشوفه بوجه زعلان شيسوي وياك
...............................
ميت وبالتابوت واتكمكش متون
ما مش متن لهواي وي اليشيعون
...............................
يوسف نبي وحسدوه ورادوله موته
المو نبي شيردون من عنده اخوته
.............................
لو تدري روحي شلون عكبك حزنهه
مثل التشيط كبال تابوت ابنهه
...........................
متعجبه هل نسوان تطلك فرد يوم
اطلوكي بل ساعات كل ساعه اذب توم
مع تحياتي
رد مع اقتباس
المشاركة الأصلية كتبت بواسطة النقيب
