هنا

[حّلأُتًيّ بِرُوُحّيّ]

كسر ظهري التعب وهمومك ثكال
شلت همك عمر ليل بأثر ليل
كسر ظهري التعب وهمومك ثكال
واول ما طحت راسا صحت حيل
وضحكت ع الدمع بخدودي من سال
كمت بجفوفي أصيحك وين جفيك
ولاتعرفني جنك ما درت بال
حسبالك خلص ؟! ما ارجع انوب !!
واظل تعبان بعدك وابجي موال
عود انت ادفعتني..؟! هواي بطران
تره اجفوف البشر ما تدفع اجبال
واذا كاع انت طبعك هم امر بيك
واشك صدرك واجيك بحيل زلزال
شلت حسنك عنب وبحضني اخليك
كضيت سنين اشيلك مثل السلال
جنت بأول عطش اعصرلك العين
واكت دموعي لجلك ماي شلال
ماتستاهل اسهر واحسب نجوم
وابوس ايد الكمر وعيون الهلال
اتوسل اظل بلكت يروحون
وعله ظهر الصبح تلكاني خيال
اجيك وبيدي وردة وكلبي متعوب
واكابر واني بيه جروح اشكال
عال العال صحتي وكلشي انسيت
مامجبور احب انسان تمثال
لاتتوسل ولاتحجي وياي
كرهتك روح..ما يحتاج تحتال
ولك بيك امنت ماجنت اظن هيج
على جروحي تسوي جروحك انزال
هدمت الشوك بيدك واني مليت
دروح وارضه مثلي...بواقع الحال

[حّلأُتًيّ بِرُوُحّيّ]

[حّلأُتًيّ بِرُوُحّيّ]

** اظل احجي عليك **

كلش زين تـــــــــدري وناســـك تـقلك.........اظل احجي عليك وادري يوصل لك
و ادري انت نجم وادري النهار ويـاك.........باجر لـــــــيــل باجـــــر لازم اندلك

عقدتك بالظلام وجــــــــاي هســه بنور.......وآنا اعرف عقدتي اشلون ما افــــلك
لون ومظت برق حزن إلي عليهّ يفوت.......ومو شخصلك يلجحه لو لجح ظـــلك

و إذا ممشى شهر عن حزني انت بعيد.......ثق حزن إلي عليه بس يخطف يسلك
وابدا من الصفر عالقلبي عالمــــردود.......اقله اشفيك تركـــض من الذي يمــلك

اخذ طبع الارض ما تدق باب الغــــيم.......صح عالي المطر بس هو ينـــزل لك
ومو ذاك العطش وتخاوي انت البـير........تجــــي مدنـــق تطــلبه ولازم يــذلك
المنجل واعدك يــــزرع لك وثقـــيت.......اشيعرف بس حصاد اشلون يشتل لك

[حّلأُتًيّ بِرُوُحّيّ]

من زغري)
من زغري عليه مرادف النكبات
وطكًات الزمان يضيع بيها العــَــدْ
متعود عليهن والتفوت اتهون
لان ادري الوراهه اتصير منها أزيــَـدْ
فصٌلت الحزن ثوب ولبسته اسنين
لا يقبل اذبه ولا قـبل يركَــــَـدْ
وحملني الزمان اجروح فوكً جروح
وجروح الزمان اشلون تتضـــمٌـدْ
واضحك والسوالف موش جنها اوياي
مابـّين خلل للناس متعـــــــمد
او من ادري برفيجي يريد بيه يعيل
بعتابه الخجل ياخذ ني واتردد
ولافطره وسذاجه وموش تايه راي
لجن طبعي التسامح وي كل أحــٌــد
ولاعمري بنيته ابدغش وي الناس
ومن ابني العلاقه ابنيها حل وشــــد
ولاعمري جفيت ابعشرة الطيبين
ولا عمري بديت ابكًـطع حبل الــــود
انسف بالربع واوزنهم بميزان
وموكل الضحك وياي بيه أضمـــَـدْ
اسايرهم حياء وادري ما يوفون
لمس بيدي لمست ومنهه متأكـــــدْ
جثيرات السوالف والمجال يضيج
وموضوع الافتحه ادريبه ما ينســـَد
اكره كل منافق يحجي بالوجهين
يضحك للجبيل وهو قلبــه اســـود
واحبن هالوطن وترابه والطيبين
ودعليه بصلاتي من اركع واسجـــِد

[حّلأُتًيّ بِرُوُحّيّ]

ذا خنت الوعـــــــــــد بلحظات

انا اللحظات كلها اتغني بحروفك

مستغرب احبك لو جديد اشتاگ؟

تمنعني وعلية انجرت اسيوفك؟

تنكرني ولك ميهمني اي نكران

نهر اني بمحبتك تنكر اجروفك

مو نزوة بحياتك اني يا بذات

حتى اتبيعني وتمنعني ما اشوفك

اقبل لو تصير ابروحي هم ونوح

واشيل الحمل منك واصبح اچتوفك

اذا تبچي ردت انطيك عيني افداك

لو عيني انعمت كملت معروفك

ما اقبل اعوفك گلي ليش انساك

مو حتى من انام اتلاگه بطيوفك

خايف مني واني الصرت لاجلك بيت

بعد ما عمري سافر بينت خوفك

بس كلمة اگلك وحدة حتى اتروح

وراح اچذب عليّه واقدر ظروفك

تره انت اخدعتني وچذبت علشوگ

بس دولاب دنية وباچر اتلوفك

من تطلع شمس راح اني اشوفك زين

اذا منخل تصير اتبين ازروفك

[حّلأُتًيّ بِرُوُحّيّ]

كُلُّ الحِكَايَةِ
هِيَ أَحْدَاثٌ
وَ تَدَاعِيَاتٌ
وَ حَكَايَا
تَسْكُنُ شِغَافَ الرُّوْح
فَدَعُوا بَوْحَنَا
يَكُنْ
عَنْ تِلْكَ الحَكَايَا
وَ مَا عَنِ التَفَاصِيْل
سَتَعْكِسُ الْمَرَايَا

[حّلأُتًيّ بِرُوُحّيّ]

كُلُّ الحِكَايَةِ


كل فصولي ممزوجه بك
حتى ألحان الربيع خلف نآفذتي كل ليله تنادي بِ همس ..

بأني



أُحبْكَ

[حّلأُتًيّ بِرُوُحّيّ]

كُلُّ الحِكَايَةِ
خصصت لكَ نبضاََ لايستحقه سواك

[حّلأُتًيّ بِرُوُحّيّ]

كُلُّ الحِكَايَةِ

أحبك وأهيم بك شعور يملك أحساسي

[حّلأُتًيّ بِرُوُحّيّ]

كُلُّ الحِكَايَةِ
جرحني حبك