أنه مال انساك أكبر مستحيل
بيه كل دكة كلب تحتاج الك
وانه ما اشتاقلك تدري انته ليش
لان ما انساك حتى اشتاق الك
أنه مال انساك أكبر مستحيل
بيه كل دكة كلب تحتاج الك
وانه ما اشتاقلك تدري انته ليش
لان ما انساك حتى اشتاق الك
اتمنيت اوصل الك وانطيك روحي ورد
بالروح حبك زرع بستان هــــيل و ورد
وسهام حبك صفن بالكلب ميه والـف
انت وليفي صرت وماعندي غيرك ولف
لو ابقى كل العمر افتر وادور ولـــــــــف
ما ألگه مثلك محب ولا ألگه مثلك ورد
دليني طيفك وين وانه اتعناه
المثلي مايرضى بكلب مابي دم
الماضاك العشك بلسان كلبه ارتاح
مامتعود على الليل مايهتم ..
فدوة تروح الك دمعات العيون
خليهن بس لجل عينك يهلن
وكل عمري وحياتي لجلك تهون
لان صدكني دونك كلشي ما يسون
بيدينك حبيبي الكلب مرهون
ينبض بالعشك جنه بيك انجن
تعال اكعد بكلبي وشوف شيصير
كل دكه ونبضه تصرخ باسمك
مو بس قرآن جيب الانجيل وياك
حتى احلف عليه شكد اني احبك
صدفه وجمعنا الوكت نتعارف اني وياك روحين صرنه بجسدماارهم بلياك
صعب من دونك اعيش وغيرك اختار
لان بس انت وحدك تفهم الروح
وصعب انساك وانسى ايامي وياك
من بعدك اعيش العمر مجروح
وصعب تصبح محبتك بس بالعيون
لان كلش احبك حبي مفضوح
يا أجمل نغم غنيته بالكون
ويا أعذب لحن وتعزفك الروح
ماريدك تجي كدامي وتروح
واشوفك من بعيد وما ألزم أيدك
أريد أتنفسك وأشهك وأغصن بيك
وأريدك حتى لمن ما أريدك
رحل كلشي بغيابك بس بقت هالـروح
تروح الروح فدوة وبس تعــــــال ارجـع
مكانك بعده فارغ ما ملاه الكـــــــــون
كل باب وركن من غيبتك دمّـــــــــــع
اريد اعــــلن حداد وللعشگ مـا عــود
واريد انـــــساك ونسه البينـك وبيني
واشگ دفتر غـــرامك خاطر انه انساك
وادير الوجـه عنــــك مـــــــــن تلاگيني
مااريدك بعد لو انـــــت روحــــي تصير
ما اريدك لـــّون من مــــــوتي تحييني
ملح بعيوني احطن وانسه حتى النوم
اخاف بالمنام اطيــــــــــــــوفك تجيـني
اذا شافتك عينـــــــــي وفرحت بملگاك
والله اتبره منــــــــــهه وهاي مو عيني
واذا گالولي حـــــــبك يسري بالشريان
ثق بالله اگطــــــــــــع كل شــــــراييني
رد مع اقتباس