عشنه على الأمل والقال والقيل
وكتبنه من الصبر كومة مواويل
وفتحنه اكلوبنه للراح والجاي
نضحك من غصب ودموعنه اتسيل
توسدنه الحزن بفراش الهموم
وكح طبع الوكت بجروحنه ايعيل
تعودنه عله كلمة (باجرتهون)
وكضينه اعمارنه ابعز وتواصيل
راضين ابخبزنه انغمس أدموع
وأذا رايد بعد من دارنه انشيل
انطيعك ياوكت بس كول شتريد
لأن عندك عقل واحنه ألمخابيل
تعال الحك
تعال الحــك
تعال الحك جروحك صارن كبار
ثگل كلش حملهن حيلي وشل
عفتهن عمــر يمي وأني ربيت
وگلبي من الزغر بيهــن تكفل
مثل ايتام عندي وأني داريت
وأراعي ولارضيت بيوم تنذل
تعال وما أگــــــــلك أني مليت
أل منك حبيبي شــــلون ينمل
ألك تشتاگ هيه وأني مشتاگ
هنه وگلبي دوم اعليك تسأل
عفتهن يمي ستة وهسه خمسين
أني اعرف عددهن وانته تجهل
ولاتستغرب اگلك كثرن شلون
موحزورة صعبة بسرعة تنحل
عفت اربع نثاية وأفحل اثنين
گبل متعوفني وعن عيني ترحل
تعال بشفتي چلمة لغيرك تموت
لغيرك كل كلامي ابشفتي يذبل
تحياتي
اتركهم للزمن يلوي اكبر اذراع
اذا يلوي اذراعهم يمكن يكسره$
ليش الوفي برمشت العين ينباع
والجاهل الفاشل يغلى سعره$
جنت الهم بلبحر مركب سفينه شراع
...شمالك يصاحب همت على شراعي تكسره$
مو كلمن يكول اسمعك يعني سماع
سمعه يمك بس باله بغير حفره$
مو كلمن يضحك بوجهك زين الاطباع
صح يظحك لكن الله يعلم بأمره$
كلبي ماشفه من غدر ألاوجاع
مثل الملح فوك الجرح جمره$
علماكو بعد هيهات ابجي العين
ولامشي الجدم علمامش بشورك
صرت موكد جمر وبحضني شلت النار
ولاجديت الجمر من باب تنورك
بستانك حلف مايشرب الماي
وغطاه الملح وندفنت زهورك
ناطورك جنت وعلصبخه بيرك جان
وياورده التموت تحلفه ناطورك
مثل دم القلم من الورده تطلب ثار
وذباحك حرف ويضيح بسطورك
سميتك نجف بس ردت اشوف الموت
دفنت العين كوه بوحشت كبورك
حنيت الجفن والدمعه سدهه اللون
ولايبجن بعد بهلال عاشورك
ولاصيرن نهر يجري علطولي الماي
يذبني عللملح مليته ناعورك
ولاصيرن كحل واستر دموع العين
وتبدل الكحل برماد تنورك
بحرك شعر ابني عجرفه الموت
بس شبخت قلم وعبرهن بحورك
عصفورك جنت بس نادم انا بهاي
خلص عمره بقفص سجنه ومات عصفورك
تـخـتـار الـزعـل وبـلا سـبـب مـشـروع
مــو انــتـه الـگـلـت مـا أگـدر بــلــيــاك
وصرت انته الگلب والگلب لــك ضلوع
لـيـش انـي الـهـجر واللوعة والحسرات
مـكـتـوبـة اعـلى گصتي والـفرح ممنوع
مـو مـن حـقـي اعـيـشن عيشة المرتاح
لـو انـي اخـتـلـف عـن الـبـشـر والـنوع
مـلـيـت الـحـيـاة وراح اهــجــر الــنـاس
مـتـحـمـل بـعـد صدمة وحـــزن مصنوع
يـاربـي انـي احـمـدك على كـلشي يصير
هـذا الأمـر أمـرك وانـي بـــي مـقـنــوع
سـعـر الـفـرح غـالي ومگدر اني اعليه
بـس سـعـر الـحـزن واصـل ومـدفــوع
تــطـمـن مـشـحـذ انـي الـفـرح منك يوم
قـابـل بـالــحــزن بـس راسـي مـرفــوع
صحت باسمك تعال وانت ماجيت
وطلع جيراني الاطرش صاح شتريد
ياهو الكال البجي يرجع المات
على العدلين نبجي و ما اجونة
بيدي لميت الدرب لمن مشيت...
خاف تندل خطوه من خطواتي !!
مـاَت حبـك باَلـــرجل خطيت !!!!!
ماتستاهل اْنته وهذا تقديرك
رد مع اقتباس