شكرا للمشاركة والتواجد حياتي اشواق سعيدة بل مشاركة
نورتي غلاي الحنونة اي صح الزمن تغير ومنعرف بيمن انثقالمشاركة الأصلية كتبت بواسطة الحنونة
للأسف هذا واقع الحال البنت تنخدع بهكذا نماذج
شكرا جزيلا لك ياحلاتي
هيه الأخوة افعال هيه الأخوة
تمطرلي بلكلفات غيره ومروة
اخوتي جاه ومال لو عادلتهم
ولو كلت همه الروح ماجاملتهم
الاخو روح الروح الاخو هيبه
بالنفس لو افديه ماهي عجيبه
الاخو روح الروح ونعمه فضيله
ولو بلنفس افديه همه قليله
يبن امي يامعزوز يالبة حشاي
خويه منصيحن آآآآخ تنتفض وياي
يمه اخوي العين يمه اخويه
ريحتج ظلت بيه وطيبة ابوية
الاخو لو تنخاه ينطيك عينه
واول شخص بلضيج اتصيح وينه
خويه يرفعت راس ياهيبه ليه
كون الالم يندار ويصير بيه
خوتنا علكلفات شدني وشدك
ولو حتمت للموت لاضن اهدك
للخوه افدي الروح وانطي عيوني
واستحي ماوفيت لو يسألوني
الخوه رفعت راس لو ردت رفعه
يتنومس بهلصيت راسي ويه ربعه
هاج الج مني عين وخل عين اليه
ولوردتي مني اثنين فدوه لج خيه
الدنيه ياهلناس غيرت بلنفوس
الخوه هسه المال وشكد عندك فلوس
الفلس والدينار الخل والعشيره
مات الاخو ياناس ماظله سيره
الفلس والدينار ناسي واخوتي
ماظل اخو التنخاه هلنبح صوتي
الخوه تبقى الساس وتبقى عزيزه
وتبقى العرك بلروح وتبقى غريزه
الخوه لامتموت وتبقىجبيره
تبقى الابو المهيوب وبيرق عشيره
مع كل ما أحمله من ألم
تواسيني إبتسامة بسيطة من عزيز
الدهر بس وياي راكب احصانة ويكلي وين اتروح كدامك انه
ما صدك الينكال بس بيك اصدك لان نبضي انه وياك كل ثانيه يدك
سلاني سل فركاك واثر بالعظام ذب محبس على الراس ينزل للجدام
الغربه ما تنراد بس والله مجبور عمرك شفت عدل يسكن بالكبور
حنيت انا لبغداد ولشوفه الناس واللي مايحب بغداد ما عندة احساس
كون الله واهل البيت وحيدر الكرار يرجع حبيب الروح واكتبله الاشعار
ناسي ونسيت الناس بس ما نسيتك غالي وصعب فركاك وابكلبي بيتك
طش الدرب تيزاب حافي اعتنيلك جاشلي بالرجلين اللي ماتجي لك
عبالي الكلب يشتاك ساعات الفراك اثاري الكلب جذاب كل لحظة يشتاك
هاك اخذ كل عضاي صفطها بيدك واحسبني دم محروم امشي بوريدك
الميت شمدريه باليمشي جناز لاكن طبع بالروح تمشي ويا العزاز
رفرفت مثل الطير روحي على ملكاك لايمي وافرح بيك ولا اكدر انساك
الحمزة والعباس والحر نخيته كلمن سعة بفركاك ينهجم بيته
للحمزة والعباس اشجي الهضايم ووليفي كبلي بيوم بالحضرة نايم
لو راح عطر الورد عطرك يضل يفوح ولو طال بينا البعد ساكن تضل بالروح
كلبك وين وديته وكلبي لوحدة خليته ياريت اللي شاغلك عني يموت وينهجم بيته
انهجم بيت العين هلكد وكيحة كلما يمر حليو تكلي صيحة
جميل ماكتبتي ... نورتي المدونة حياتي اسعدني التواجد
روووعة حبيبتي
الإخوة وية النبض تسري...وينطق الكلب محتاجك يا عمري
رد مع اقتباس
