حزينه الروح بغيابك من شعرنا
قصايد بيك يمدلل وشعرنه
شعر لو شاب مانصبغ شعرنه
ترد الروح من تسال عليه
حزينه الروح بغيابك من شعرنا
قصايد بيك يمدلل وشعرنه
شعر لو شاب مانصبغ شعرنه
ترد الروح من تسال عليه
انه بجفي وتد علكاع دكيت
ولا دكت نذل بالناس دكيت
بعدني ماطحت وانته طبول دكيت
شدوصله بعد واركص عليه
حاولت ألعــب لعـبـتـك وأظهـر بصـورة مـلاك وألبس ثـوب الـثـعـالب حتى أوصل مســتـواك
خفيف وماثگل فد يوم نومي
وحبيبي برتقال بطعم نومي
گلتله انه احبك گال No Me
مثقف باﻷنگليزي يرد عليه
عمداً أمر بالدار والنـوح أزيــــده
وأسمع صداهـا إيكًـول راح التريـده
عمداً أمر بالدار وأشبع مغمــه
وابجي بجي المفطوم ومفارك أ
شــكد عـنـدي حـجـي
شكد عندي حجي مابيه احجيه
بس عيني بدمعهه اتصور المنظر
ما حاجه الشفايف تحجي الحجايات
بس انظر بعيني اتفكر اتصور
تلكه الحل يصاحب لا تظل حيران
هنه عيوني يحجن لو بجه المحجر
انظر زين شوف عيوني شتريد
باين هالطلب ما حاجه تتحير
ولا حاجه تفكر بالتريده الروح
لأن انت بكلبهه صاير الابهر
لاتصفن يصاحب واحجي بالمضموم
كلي انت تحبني لو علي تسخر
وضح ياترف مو حبي لك مفضوح
اصيح انه احبك ما اهم شخسر
كلشي انه تركته بس لجل عيناك
درب العين انت وبيك تتنور
كل هذا الحجي من عيني احجيه
ولو كلبي حجالك زادلك واكثر
عيب اعوفـــــــــك
كلش عيب اكلك ترجع وياي
وكلش عيب اعوفك ما احاجيك
بقى براسي كلامك يلجم الروح
وبكلبي محبه يريد يرضيك
تمر مني واعوفك جن ولا جاي
بس بكلبي فد مشتاك احاجيك
اضم زلاتك وماكول غلطان
بغيابك يم شماته اتغزلت بيك
كدامك اكلك انتة مو زين
بس كدامهم على الراس اخليك
يغلط خنجرك بالطعن وياي
يمر طاري الاماني ورأساً اتمناك
بغير الطير بيمن تحلم الشجره ؟
عشك فقره عشكتك مال اهلنه الراح
اليعرف بيه بس العاشك بصغره ,,,,
دمع عيني ابغيابك يجري سكته
واثر فركاك صاب القلب سكته
اذا كلك شخص انساك سكته
جذاب الشخص يحرك عليه
وحق الي تعبده الناس وحده
حبك سلب مني الروح وحده
هذني ثنين وانت اختار وحده
لو ترحل لو تضل محبوب اليه
رد مع اقتباس