هنا

[حّلأُتًيّ بِرُوُحّيّ]

ردت بس كلمة حلوة منك اسمع يوم
وكلامك بس هموم وقهر ويغثني

بعد مااكولك حبيبي خليهه رسميات
لأن ماعندي حب وياك يجمعني

اني من البداية توقعت حبك عذاب
جنت منتظر لحظة ناوي اذلني

وهسة تريد اصدكك لا أبد والله
صدك اني اعرفك انت متحبني

لو حبك صدك جان انت ابد منسيت
ولو حبك صدك ماجان تجرحني

شجاك شبيك تحجي عني بين الناس
واسراري كلتهه تريد تفضحني

اختاريتك محب اعرف انا الغلطان
لأن مو من مستوايه شلون تفهمني

تدور الدنيا صدك وادنك الراس
ودموعك بعد ياجذاب متهزني

واعرف انت راح تعيش ندمان
وتدور عليه وهم تضيعني

جنت تضحك عليه من اكول اهواك
بس هسه صرت انت التضحكني

مليت السنين اللي عشتهه وياك
بعد ماريد احبك كافي تجبرني

[حّلأُتًيّ بِرُوُحّيّ]

شيفيد الندم ضيعتة عمري وياك
وجاي اتكلي آسف على السويتة
يا لماخذ طبع ذيب ؟ وتلبسة وياية
الك طعنة رمح وبكلبي خليتة
ذبحت اسنين عمري لخاطرك حسرات
تاليهة وتكل للوادم نسيتة........ .
مو انت الرحت خليتني باهات
كل طور الحزن بجفاك غنيتة
ترى حبل الجذب دومة اكصير ايصير
وكل جذبك ترة بارضاي عديتة....؟

[حّلأُتًيّ بِرُوُحّيّ]

شبلاهة عيوني تعشگ دون متشوف
و شجاني تعلقت بالـ ما اعرفه
غريب احساسي بيك تولعت ليش
شعور بداخلي ما بيه اوصفه
الگلب يهواك عاشگ حد الخبال
بس عقلي عنيد يگلي اصرفه
و دخت ما بين عقلي و گلبي محتار
شيقنع الگلب و العقل ما يصفه
احلامي بريئه و جنهن اطفال
على ذراع الخيال شلون تغفه

[حّلأُتًيّ بِرُوُحّيّ]

شقصرت وياك انا ... كلي حتى اقنع
انطيتك كل حياتي ..بس انت ما تقنع

كافي جروح تطعن بيه ما تشبع
ومليت انقهر وعيوني بس تدمع

هم عندك گلب ويجي يوم تتوجع
وما يفيد الندم كلشي ما يرجع

حس بيه شويه كافي وروح
خليني عايش بالجروح

بلكي بغيابك انا ارتاح
وانسى الجرى والراح

ارجوك خلاص اتركني لاترجع
انطيتك كل حياتي بس انت ماتقنع

[حّلأُتًيّ بِرُوُحّيّ]

كافي مو كل يوم تجـــرحني وتروح
هاي ماطلعت محــــــبة ولا عشگ
أضحك بوجـــــهك چذب وبگلبي نار
واكتم انفاســـــــــي بمرار وأختنگ
هواي جامــــلتك ترى ومنطيك عين
وبعد ماظل صـــــبر عندي ولا خلگ
وآني ياابن النـــاس ماضمها عليك
تزعل انت هواي من حچي الصدگ
انت شمعة وآني صــــاير بيك خيط
وانت صح تموع .. بس آنه احترگ

[حّلأُتًيّ بِرُوُحّيّ]

ما عاتب بعـــــــــــد لو تبعد سنين
وأعرف ما يجــــــرحك كثر العتاب
أذني تعودت من سمــــــــع الاعذار
كل مـــ،،ـره تجيني بنفس الاسباب
ضروف اللي تمرك مو حجي لسان
يمكن لــــــــــو المهن صارن كتاب
دنيه الخلتك تنسانه وتــــــــــــروح
هـــــــــــم هيه تدفنك جوه التراب
عفتني بوكت.. جنت انه محتــــاج
وكَفتك يمي هيبه كَبـــــــال الغراب
ولكن خـــــاب ضني وماعرف ليش
بعــــــــــد لمن أذكرك أنسه العتاب
صرت شجره بعشرتك وأنته يا حيف
جــــــــــازيت الاخوه وصرت حطاب
يكـــــــــرهك بابنه شمــا رايد تفوت
ومن أذكــــــــــر عشرتك أكره إلباب
مكــــــان البي كَعدنه و تذكر أنكول
للـــــــــــتالي نبقه المـــوتنه أحباب
هســـه التالي اجانه وصار مكَلوب
ومــــكان البي عرفتك صار سرداب
أثــــــــر خطوتنه جانت تطبع دموع
يمكــــــن جنها تدري يصير الغياب
طيحت شكثــــــــر من ذيج الجروح
صخره أنته وأبد كل نقشي ماجاب
جرحك يختلف عـــــن باقي الجروح
عن جــرح الحبيب وجرح الاصحاب
مــــــــاشايف جرح يتنفس الصوت
أحســـــن يختنك لو أسمـــك أنجاب
وأذا رايد أروفه بخيط الدمـــــــــــوع
يصرخ مــــــــو كبرنه وصرنه شياب
شيفيد الضمـــــــد للحالــــه مكسور
وبقه لليوم بيـــــــه ولحظه ماطاب
حركَــــــــــــه كَلبي جانت كلها وياك
وسابع جـــــــــــار يشتم بيه عطاب

[حّلأُتًيّ بِرُوُحّيّ]

شلونــــك‬ انته لا تكلـــــي شلونــك
راح اكــلك بــس دغــمض ‫اعيونـــــك‬
راح تلكه بس ظـلام
هيجي حالي مانام
مااشوفــــن انــــه اعمــــه ‫‏ابدونــــك‬

[حّلأُتًيّ بِرُوُحّيّ]

مشتاقلگ
گد المشوو
گد الإجوو
بكثر الأموات الماصحوو
مشتاقلگ گلشش انا
يل ما گلت
مشتاااقلي

[حّلأُتًيّ بِرُوُحّيّ]

ها حبيبي . اعتذر والله نسيت
وداعتكـ مامنتبه حبنا خلص
اني راح ادعيلكـ تحب الخذاكـ
وانته لا تدعيلي احبك غيركـ شخص

[حّلأُتًيّ بِرُوُحّيّ]

شلون يعني تريد اعيد!
واحتفل والبس جديد ..؟
واني عيني بنصهه كاعد
شاب لو شايب شهيد
العيد ..خله العيد لهله
يا فرح انطيني مهله ✋
بعده أحمر ماي دجله
ذاك راس وهاي ايد ..&
شلون تريد يعني اعيد !!.