هنا

[فقار الكرخي]

شنو معنى انتظاري الما يجي وياي
ودور ريح خده بكل هوه الهاب
اغشم روحي اگولن باجر يعود
ويجي باجر وگول بغيبته اسباب
انهَ عيني اعله بابك شابحه الشوف
امنغمض جفني تطلع صورة الباب
تعال وگلي رايك حته ، لو بيه
جرح ، عادي الجرح من ينحضن طاب
ليش شما صرتلك طير ، ينصاد
ولهَسه بجنحي عايف حرگة صواب
گتلك حبني چلمه ، ومو حجي هواي
الحجي يفرزن الطيب ياهو ، چذاب
الما داخل عشگ خل يكتل الليل
اليعيش السهر ما بي وجه شاب
وسري گبال بابك طايح ايجوز
افرفح من اذكرك رغم الاعتاب
يهل ما بيك جيه شمالي ضليت
اتانيلك بگلبي شلاعب شذاب
يلجمني البعد بس ما گلت يوم
اذا ما جيت اعوفك وانسه الك حاب
مدري شقرت عيني بعينك حروف
مثل عينك غزل ما قاري اكتاب
اسولف للنجم من يبتدي الشوگ
واطير بلا جنح لو ذكرك انجاب
المحنه بروحي الك تشتم هوه الطيف
وهيسنك ربيع بنص جمر آب
تعال انهبها روحي امحالل اعليك
المثلك لو نهب ما يلگه طلاب
.




علي كاظم الصبيحاوي

[حيدر الطائي]

كلمات جميلة جدا
شكرا لك عزيزي
فقار

[سمراء من قوم عيسى]

الله الله
كلمات روعه
عاشت الايادي

[علي الشمري]

[روان الانباري]

تسام خويه كلمات حلوه

[الاء المدريدية]

كلمات رائعة شكرا لك اخي فقار المبدع

[علياء الموسوي]

كلمات رائعة وانتقاء رائع شكرا لك
دمت بأبداع
تحياتي

[أوهام]

عاشت الايادي

[الامير امير]

الله على هذا الحجي الروعه عاشت ايدك على النقل