هنا

[فقار الكرخي]

سد بيبان كلبك ﻻيجي ابليس
ويوسوسلك اخاف وعقلك يدور
كلبك نفسه ذاك الجنت اغطيه
شافه الغير لو ليهسه مستور
عابس ساعه وحده وذب الهدوم
عشره يوم بس مو عشره شهور
شجاك انته وغفيت بحضن الغراب
عكب ماجنت تغفه بحضن الصكور
طبعي وياك جان يشابه الطين
من يعوفه مايه اصيبه الفطور
اكبع دمعتي بجروف الخدود
اخاف اتشوف دمعي عيون عصفور
يمر طاريك بيه واشتعل نار
ذبيحه بيت حاتم ﻻزم اتفور
يمرني النفس شاب وشاد الحيل
ويرد شايب فقط لو داخلي يدور
تعال اعيوني كعبه ودمعتي اطوف
واجاني ابره فراكك وانته مسرور
شنو ويه الخذاك تعيش مرتاح
عجينه وزفتك نيران تنور
الهوه بسمار احسه ابريتي يفوت
تعال اجم ضلع بجفاك مكسور
مثل عاجر صرت تتمنه الاوﻻد
وكضي اسنيني كلهن بس للنذور
جنت وياك عيد الاضحى يفﻻن
شجاك انته وصرت وياي عاشور
اون لفراك شخصك ونت ابليس
اذا كافر يمره وذنبه مغفور




م

[سمراء من قوم عيسى]

كلمات جميله جدا

[علياء الموسوي]

كلمات رائعة جدا
دوم الابداع
شكرا لك

[علي الشمري]