هنا

[فقار الكرخي]

وحشه وليل
وجفوف المطر
تركت اثر عالباب.....؟
اصيح بعلو صوتي
بكل زوايا البيت
واحس صوتي يتشظه
ومن يرد مبحوح
من يطلع عدل
بس يرجع بلاروح
اصيحن والربع
كلهم صفو غياب.....؟
وكلهه ذياب....!
ابمخليتي من امر
وجوه غربه تدور
فرشت الذكريات
ومالكيت احباب.....!
صعد صوت الرعيد
وفزز الالام
ووي دمعي النزل
طاحت شكد احلام
ووسط خوفي اشوف
الورد عده انياب
وعدي اسباب........؟
صدكوني من اخافن عدي
بيهه اسباب
اشم ريحة مكابر
بين الانفاس
ويمر بيه الهوه
مشيول منه الراس
يخوف ريتي
حتى النسيم الهاب
لكلشي حساب... !
بس هذا الزمن حاسبله ميت حساب
يخدع مظهره اليشبه خضار اكبور
بأول جدم تعثر كبل للسرداب
زمن بيه درب واحد ينتهي بتابوت
وعلى طبكت جفن تشيع بلاصوت
صحاري ديار اهلنه وعطشت على انسان
جا كالت تعالو لون عدهه لسان
تنزعه الابتسامه الراد منهه يفوت
عطر ذنوب بيهه انخلطت بعصيان
ومخضره الجوادر بين البيوت
شفت ريحت جثث مابيهه ريحة هيل
لادك كهوه ولاسفر وسط الليل
ديره تلفلفت بجناح عزرائيل
صغار اكبار كلهه تسولف على الموت
.



الشاعر عادل العيساوي

[تّـفـاَصيلـٓ]

روعات جدا

شكرا على الطرح

[اميرة الورد]

صعد صوت الرعيد
وفزز الالام
ووي دمعي النزل
طاحت شكد احلام

روووووعاااات

[علياء الموسوي]

شكرا ع الطرح
دمت بأبداع
تحياتي

[علي الشمري]

حلووووو
عاشت الايادي
اختيار جميل جدا

[ديره ورد]

جميل جدااا