هنا

[وآنا]

اجة على بالي موقف
وهو من صار يم مدرستنة انفجار

بوكتهة اني جنت بالساحة انتظر يفتحون الباب حتى نطلع اني وصديقاتي
وبقت كم دقيقة حتة نطلع وما نسمع الا انفجار
المهم تشوفون هاي الي تبجي والي تصيح والي تكول اختي
لان بوكتها جانو متوسطة يمنة بصف مدرستنة
وابتدائية ينتظرونة نطلع حتى يدخلون
والمشكلة جانت اختي بصفهة واني بالساحة بس همزين انداريت شفتها وراية
وبعدين فتحو الباب دنطلع
ودنروح للخط اني واختي ونشوف الناس كلهة تركض بعكس الاتجاه الي نمشي بيه
يابة شكو كالو انفجار لاخ رح ينفجر
والناس كلهة تركض
بوكتهة من رجعت للبيت ما صدكت وهمزين امي جانت ظهري وبغير منطقة يعني من جتي من دوامهة متدري صار بينة هل شي
وكضيناها بجي اني واختي لحد ما نمنة وبقينة يومين على الصدمة
حسبي الله ونعم الوكيل

[^-^بطيخة^-^]

اتذكر هذه السنه بامتحانات الكورس الثاني كان عندنا كيمياء اني قريت كوولش زين بس السهلات قريتهن شلون ما كان لان المدرسه متجيبهن ..
والصدمةة بالامتحان جابت بس السهلات والمسائل ومعادلات وتحضير اذا كولهن ينجمعن يصيرن سؤالين وطلعت الطم وابجي وحتى رجعت للبيت وم اقبل اكل واهلي رزلوني لان بس ابجي وجان بعدين جان تطلع حلولي صحيحه بعضهن واكو بعضهن ما انتبهولهن وهن غلط وصارن صح واخذت 54 من 60
وبقيت مصدومه م اتوقعت اخذ هيج درجه ههههه

وكلما اتذكر شلون جنت ابجي وما اخلي احد يحاجيني اموت ع نفسي من الضحك

[ضـحكة خـجل]

كنت بصف السادس أبتدائي هستوتي مستلمة كتب وكاعدة ارتب بيهم واقراهم ..بالصالة كاعدة ويم شبابيك جاام ويم بيبي الله يرحمها
وبهاي اللحظات صار انفجار قوي قريب من بيتنه
الجام اتكسر وانجرحت وخفت هوااي وبقيت ابجي بحض بيبي
بعدين لمن هدئت شفت النااس مخبوصه غافلت ماما وطلعت للشارع
وشفت شلون السيارات تشعل بيها نار وبنيه زغيرة ع الارض ميته
عمرري مراح انسى هالموقف القاسي

[^-^بطيخة^-^]

اتذكر مرة صار عندنا اسبوع شؤم صار حادث سئ جدا في بيتنا لن اذكره :)
واحد خوالي وكعت ع راسه حديده وثلاث خيوط براسه وخالي لاخر اصبعه انضرب بالجاكوك
واحد اقاربنا كانت سيارته مركونه بالبيت ووقعت طلقه عليها وزرفتها وميدرون منين
واما اني الموقف اللي صار بيه هو كانت احدى زجاجات شباك الاستقبال مكسورة وجان الجو ماطر ف كانت عندنا زجاجه اخرى الهه وعجين الشباك وصلح ابي الجامه وجلست اكنس بالاشياء اللي تخلفت من الجام والعجين القديم اللي صاير حجر وجنت وحدي بالغرفه وما احس الا والزجاجه مقسومه نصفين ودتنزل عليه اني صرخت ومسكتهه ونزلت الحافه الثانيه عليا وجرحتني واجو اهلي يركضون الي و شالوها اما باقي التفاصيل طويله ومؤلمه مابيه اسولفهه بس الحمد لله عدت ع خير وما اجت بعيني او بمكان يشوه الخلق :$ م ح انسى هذا اليوم والخوفه اللي ارعبتني بحيث محسيت بالالم :/

[ايات الملكية]

والله حياتي كلها مواقف....

[فيصل سالم]

من اصعب الاشياء اللى مرت على ... حادث سيارة والحديد مسك رجولى من تحت وشميت ريحة نار

كنت واعي وعاجز على الهرب وانتظر مصيري المحتوم ... الشوي بهدوء ... الا ان حضر شخص وطفى النار وطلعنى من السيارة حتى قبل وصول الاطفاء والاسعاف

الغريب بفضل الله ما صار بيا شى خدوش بسيطة ... هذا الكابوس صرت اشوفه بكل وقت واتمنى ما يتكرر

[وآنا]

مرة من المرات جنت بالغرفة اقرة اني واختي سوية واول يوم صار الي واهس اقرة وياهة لان جانت الاية صعبة اعتقد البقرة وجان واجبنة هواي ف كعدنة سوية وقرينة وبهاي اللحظات سمعنة صوت حادث ف طلعت برة شفت هوسة وشفت سيارة مشتعلة نار يم جوارينة الي فرق بيناتهم بيت واحد ....
المشكلة انه جان بيها ولد جوارينة واعتقد بانزينة خلص وراح كبل للعامود واشتعلت نار السيارة
ي ربي اني احس نفسي ابدالة وبس ابجي
بعدين جتي خواته وامه ركض علية ويبجن
خابروا الاسعاف وجولة همزين بس قبل ميجون الاسعاف
صديقة الي هو جوارينة راح وطلعة من بين النار
بوقتهة صدك حسيت انهم اصدقاء علاقتهم قوية الى درجة انه ماخاف من النار وطلع صديقة من السيارة
وجتي الاسعاف وطفوو النار
وطبيت للبيت ابجي وما كملت حفظ الاية خليتهة ع اليوم الثاني

[ديره ورد]

اتذكر مرة صار عندنا اسبوع شؤم صار حادث سئ جدا في بيتنا لن اذكره :)
واحد خوالي وكعت ع راسه حديده وثلاث خيوط براسه وخالي لاخر اصبعه انضرب بالجاكوك
واحد اقاربنا كانت سيارته مركونه بالبيت ووقعت طلقه عليها وزرفتها وميدرون منين
واما اني الموقف اللي صار بيه هو كانت احدى زجاجات شباك الاستقبال مكسورة وجان الجو ماطر ف كانت عندنا زجاجه اخرى الهه وعجين الشباك وصلح ابي الجامه وجلست اكنس بالاشياء اللي تخلفت من الجام والعجين القديم اللي صاير حجر وجنت وحدي بالغرفه وما احس الا والزجاجه مقسومه نصفين ودتنزل عليه اني صرخت ومسكتهه ونزلت الحافه الثانيه عليا وجرحتني واجو اهلي يركضون الي و شالوها اما باقي التفاصيل طويله ومؤلمه مابيه اسولفهه بس الحمد لله عدت ع خير وما اجت بعيني او بمكان يشوه الخلق :$ م ح انسى هذا اليوم والخوفه اللي ارعبتني بحيث محسيت بالالم :/

خإف شايفين غراب من الصبح انرتي

[ديره ورد]

من اصعب الاشياء اللى مرت على ... حادث سيارة والحديد مسك رجولى من تحت وشميت ريحة نار

كنت واعي وعاجز على الهرب وانتظر مصيري المحتوم ... الشوي بهدوء ... الا ان حضر شخص وطفى النار وطلعنى من السيارة حتى قبل وصول الاطفاء والاسعاف

الغريب بفضل الله ما صار بيا شى خدوش بسيطة ... هذا الكابوس صرت اشوفه بكل وقت واتمنى ما يتكرر

نورتي الموضوع

[ديره ورد]

اتذكر هذه السنه بامتحانات الكورس الثاني كان عندنا كيمياء اني قريت كوولش زين بس السهلات قريتهن شلون ما كان لان المدرسه متجيبهن ..
والصدمةة بالامتحان جابت بس السهلات والمسائل ومعادلات وتحضير اذا كولهن ينجمعن يصيرن سؤالين وطلعت الطم وابجي وحتى رجعت للبيت وم اقبل اكل واهلي رزلوني لان بس ابجي وجان بعدين جان تطلع حلولي صحيحه بعضهن واكو بعضهن ما انتبهولهن وهن غلط وصارن صح واخذت 54 من 60
وبقيت مصدومه م اتوقعت اخذ هيج درجه ههههه

وكلما اتذكر شلون جنت ابجي وما اخلي احد يحاجيني اموت ع نفسي من الضحك

نورتيني بس المره الثانيه اقري الكتاب كله مو بس الصعبات