هنا

[فقار الكرخي]

و يبات حس الطبل
بحلك الدفوف الساكته
و الضحكه تلبد خجل
من الوجوه الباهته....
كابلنه كلمن يصد
و خضبنه شيب الورد
بلكت تخضر ترد بعض اﻻحﻻم البايته
ﻻ تسئل اعله الحصل
تعبنه كثر الحجي
من وحدك انته افتهم و اقره الجروح الصامته
أمنه بيهم وكت
سلبونه و ابﻻ وعي
خلونه واهس طفل غمض خذو لعابته
ضيعوله حلم العمر
و الميزه بابن الفكر
شما قدموله امتنع ما ياخذ المو مالته
وادمنه عافتنه بسلف
مابي أثر للبخت
حته الوكت ما صدك ويانه ماخذ راحته
جودر باهلنه و مشى
كال ارجعلكم بعد
ليهسه ما رد خبر مو زلمه كد حجايته
كابلنه وجه النهر
ردنه لوجهنه انعرف
خاصمنه حتى العذب شافانه ضم امرايته
شماله الدهر يا دهر
ويانه يلعب لعب
متونس بشلع الكلب للما شلعهه النابته
الحيف اعله ياهي و خلص
كل الظنون انتهت
مات اليلمنه و ما حلم تبجيله دمعه اوﻻيته. ..






حليم السكيني

[جنـات]

من وحدك انته افتهم و اقره الجروح الصامته


ررروعه تسلم الايد النقلتهه

[ايوووته@]

عاشت الايادي
كولش حلو
تقيم

[ضياء الصافي]

ليهسه ما رد خبر مو زلمه كد حجايته

عاشت الذائقة الرائعة
روعة في النقل تسلم
فقوري الورد
تقييم

[علي الشمري]

عاشت الايادي
اختيار جميل يافقار

[♥^_قمر زماني _^♥]

انتقاء مميز وجميل
شكرا لك