-اگلچ ام گاطع ،،
- گول ابو گاطع ،،
- مو اشوفچ ، طولتي بوگفتچ ، ويه هذا ابو عربانة المخضر ؟!
- اي حجي ، مو اليوم مسواگنه ، اهواي ، وظليت استنگي ، والگط ، بالمخضرات وحدة وحدة !
- اي
- وانوب ، اييّت ام محيسن ، وام يبار ، ياراتنا
وظلينا ، نلگط ، ونسولف ونضحك ،،
- اهاا ، اهنا الحجي ، تسولفن وتتمضحچن جدام الريّال الغرِيب ، وهو يتنوع اعليجن ، لا والله خوش سالفة وخوش نسوان !
- يا ، الريّال الغرِيب ؟!
هاي اعله ، غاسم الدسم ؟!
- اي اعله غاسم الدسم ، كوده دسم مايعرف يتنوع ؟
بعدين شيعودلچ ابن عم ابن خال
مرة حمرة صفرة ، والزلم مالها امان ، ادور تتمضحچين ، اعوينة ابو هلچ اعله هل السالفة
- يا ، حجي ، شو سويتها صگد ؟
اعله هذا الدسم ، المايسبح الا بالشهر ايويم ، كود احنا تروح ارواحنا اعليه ، غدي اي والله غدي !
الريّال اذا موش نظيف وهيبة وريحة تفوح مثل الهيل ، ياهي ال تجلبه حجي ؟،
اگول حجي ، اظنك بعدك اتغار اعليه ، وادور وراي
هههههه ، دخيل يدك ، چا انا راده اردود ؟!
- شبيچ ، بعدچ ، تلجين وچنچ گمر ، نوشه خانم
- يطيك العوفية حجي ، فرحتني ، المرة شكثر ماتكبر تفرح من زلمتها ، يظل يحبها ويغار اعليها ويسمعها كلام حلو .
- اي ت يلا ، گومي عزلي مسواگچ ، ولاتوگفين هواي بعد يم هذا الدسم ، ولّه ، اگلچ ، بعد صيحيني انا اتسوگلچ ، لو اوگف وياچ ، خوش ؟
- خوش حجي ،، هههههه .
ملاحظه: ينصح باستخدام (كوكل للترجمه)
رد مع اقتباس
المشاركة الأصلية كتبت بواسطة عَےـا شّےـقَےـة الهےـِدُوِء
اكول شجابها على الموضوع