عزيزاتي حريم أول
ترا جننتونا وجبتوا لنا الضغط
قال أيش : حنا من أول نشتغل شغل ماتسوون ربعه ولا عندنا خدامات ونطبخ الذبايح غدا وعشا ونربي عيالنا ولا شكينا و صابرين على الشقا ولا أنتوا ماعليكم مرتاحين ومتدلعين
أقول الله يعطيكم العافيه ترا فقعتوا مرااارتي مع كامل احترامي أي راحه تتكلمون عنها والله انتوا إلي كنتوا مرتاحين :
من أول لاجاكم الضيف أقصاها دلة قهوه وبادية تمر وحطت الوحده ذبيحتها في القدر وتكت لين يخلص ثمن كبته في الصحن ودفته لضيفانها يعني لا تمدون سفره حلى وموالح مع القهوه ولا تمدون سفره ثانيه من أنواع الأطباق المعقده مع العشا
البيت كله غرفتين وحوش وإذا الوحده ذبحت نفسها بالتنظيف قشته بالعسو ( ملاحظه العسو أداه تستخدم للكنس واحيانا لتأديب البزران ) وأحنا الوحده تهلك وماتلحق وهي تمسح أرضيات وأثاث وتحف وجدران ودرايش وغسيل حمامات ومطبخ وغسيل حوش و كوي ملابس وطبخ وغيره وغيره ويمكن فوق هذا تكون موظفه أو طالبه وتبون مانجيب خدامات إلا هي الداخله وأنا الطالعه
البزران داجين في الشوارع ومره وحده في الإسبوع تروشه وتغير له ويمكن يمر إسبوعين أو ثلاثه وهو متيبس من الوصخ ولا عنده لا دراسه ولا امتحانات ولو عنده ماذاكرت له أصلا مو حنا لو ينزل مستواه لأي سبب أو يوم يلاقونه مو نظيف أو يمرض حطوا على أمه وطلعوها ماعندها أمومه ومهمله ولا تعرف تربي
المره أول لا تعرف حمام مغربي ولا صنفره ولا سشوار ولا عنايه بالبشره ولا تنسيق ملابس ولا غيره أقصاها رشت جسمها بشوية ماء ولبست الدراعه ودقت الكحله ورشرشت عمرها بريفدور ولا أبو طيرين (هالكلام بس ليلة الجمعه على فكره ) والرجال مافرقت معه مايعرف شي وماشاف غيرها مو الحين كل ماشاف وحده بالتلفزيون قال أبيك مثلها وياليت عاجبه ولا مالي عينه
والله حياتكم كانت أحلى وأريح ببساطتها مو حياتنا بكل هالتعقيد والضغط إلي فيـَهآ
-
رد مع اقتباس
