هنا

[ارجع يازمان]

جانب من مساجلة الذيب!!
حسين الساعدي


طايح وجاك الذيب ويسابك الريح
ويمك نهر مليان بس بالتماسيح!
حسين الساعدي
———————-
الشاعر حسين الساعدي
الشاعراحمد الكناني
غمظ عيونك عود ونخه انته ابو تراب
يكرب الذيب بساع بس خالي انياب
———————-
الشاعر حسين الساعدي
هالذيب اجاك ابساع وبصوته عاوي
شوف الطريقه اشلون عوف الدعاوي
———————-
غريدة الشعر عراقيه
أوكف وأصادق ذيب وأتعاتب وياه
!!وأكره انا التمساح جذاب وأنعاه
———————-


غريدة الشعر عراقيه
أكعد أكبال الذيب يرأف بحالي
وأكره انه التمساح جي كلبه خالي
———————-
الشاعر حسين الساعدي
والموته حده اتصير خافنك اتطيح
ماكو فرق بالذيب ويه التماسيح
———————-
جليل الغريب
يتلاوه ويه الذيب وكفه ابرهاته
ويكتله وبهل حال ينقذ حياته
———————-
الشاعر حسين الساعدي


يتلاوه كلي اشلون ما شالته الكاع
هذا الوكع مكسور ما يوكف ابساع
———————-
طائر الجنوب السلطاني
جدامي يعوي الذيب او خلفي تمساح
كلي اليطيح ابضيج هم مثلي لوطاح
———————-
الشاعر حسين الساعدي
اني الأسئلك جاي يا طائر اشلون
يركض عليك الذيب وتشوف العيون
———————-
الشاعراحمد الكناني
ادري بكله الحالات بجوابي ما صيب
النقذ يوسف عود ينقذني من ذيب


———————-
الشاعر حسين الساعدي
ذاك نبي ومعروف وانته الكناني
والذيب اجاك اليوم عوف الاماني


———————-
غريدة الشعر عراقيه
الذيب يحن لو شاف هيبة سوادي
!!أحسن من التمساح عينه اعله زادي
———————-
الشاعر حسين الساعدي
ذيب الاجه جوعان شافج سمينه
احسلج التمساح والله اليعينه


———————-
الشاعر محمد هاشم الحسناوي
اشمر تراب عليه لو ذيبي مجنون
ومن يوكع حجارات وعميله الاعيون


———————-
الشاعر حسين الساعدي
ماظن يفيد اتراب والطيحه طيحه
تعرف ابعين الذيب كلش وكحيه


———————-
طائر الجنوب السلطاني
اركب على التمساح كون اعبر الشط
وخله ابركاضه الذيب هم تالي يفحط
———————-
الشاعر حسين الساعدي
شنهي انت سوبرمان تركب تماسيح
هذا النهر مليان ها بالك اتطيح
———————-
طائر الجنوب السلطاني
اتلاوة وي الذيب وتعارك وياه
ولو عظني التمساح ماصيحن احاه
———————-
الشاعر حسين الساعدي
هذا الكلام اوهام صدكني صعبه
!ذيب وبعد تمساح جا هيه لعبه
———————-
جليل الغريب
ينظر ابهذا الجول هلبت حديده
لمن يجيله الذيب ويطكه بيده
———————-
الشاعر حسين الساعدي
غفره وذيابه اتحوم وين الحدايد
لا ديره لا حداد وين انته كاعد
———————-
الشاعر محمد هاشم الحسناوي
اركض ركض عالذيب مامنهه جاره
ولا اكعد وماكول نفس الخساره
———————-


الشاعر حسين الساعدي
ماشايف ابمكسور ويسابك الذيب
سولفلي بلمعقول وبهل دواليب


———————-
طائر الجنوب السلطاني
امنشعل ابصفي النار يشرد تره الذيب
ويمل تره التمساح وبالاخر ايسيب
———————-
الشاعر حسين الساعدي
بالهيمه ماكو ناس بس هالذيابه
والمثلك ابهل حال حار ابمصابه
———————-
الشاعر حسين الساعدي
شخاطه والعودان طشتهن الريح
تلكاهن انته اهناك يم التماسيح
———————-
الشاعر محمد هاشم الحسناوي
ذيبك طلع جوعان مايكدر يكوم
ومن التعب نعسان يثاوب ابنوم
———————-
الشاعر حسين الساعدي
لا بالعكس جوعان جاك ابسرعته
باوع عليك اشلون تجدح نضرته
———————-
طائر الجنوب السلطاني
لكسرها رجل الذيب وضلوعه كلهن
اعرف طباع الذيب اسئلني عنهن
———————-
الشاعر حسين الساعدي
تكسرها رجل الذيب قصتك عجيبه
وانته الطحت مكسور وبهل مصيبه
———————-
علي ألمالكي
ذيبك طلع يحسين كاضيها حسرات
مايركض اعله الناس يدوله ختلاات
———————-
الشاعر حسين الساعدي
ذيبي وكح ويريد يتغده بيكم
حلوها حته انكول عاشت اديكم
———————-
طائر الجنوب السلطاني
اترك وراي الذيب ميهمني شيصير
وتحايل التمساح خل وكتي شيجيب


———————-
طائر الجنوب السلطاني
اصرخ ولم الناس وتعارك الذيب
تاليها شنهي وياك جاكلي شنجيب


———————-
الشاعراحمد الكناني
مو حيرتنه حسين شنهي القضيه
سلمهه بس للذيب روحك هديه
———————-


الشاعر حسين الساعدي
فكر ابحالك زين شوف الطريقه
تنقذ بقايا الروح ضلت دقيقه
———————-


علي ألمالكي
ذيبك طلع جذاب مايتغدنه عدنه
ولتأمن اعله الذيب كالاها جدنه


———————-
جليل الغريب
اجبر ابكسري ابساع وتعنه لذيب
وكطع ادين اثنين ويه الشراشيب
———————-
الشاعر حسين الساعدي
كسرك تجبره اشلون وانته ابجزيره
حالتك ويه الذيب هو وضميره
———————-
محسن فالح اللامي
ماايس اركض حيل والموتة موتة
وبلكت فزعلي انسان لو سمع صوته
———————-
علي ألمالكي
ذيب ودمع تمساح بعيونه الاثنين
شنهي القضيه اليوم متكلي يحسين
———————-
الشاعر حسين الساعدي
بالهيمه ماكو ناس بس هالذيابه
والمثلك ابهل حال حار ابمصابه
--------------------------


الشاعر حيدر الوداوي
اتصور اختي وياي ومرتي وابنها
وعالغيره اصعد خيل والزم رسنها
———————-
علي ألمالكي
جمدت الشاشه هناك يمك دكلي
شغلها يله حسين وبسرعه ردلي
———————-
كلمات شاعر
اوكف بوجهه ساعات لمن يروح
عزت روحي يخوي ونسيت الجروح
———————-
الشاعر حسين الساعدي
جدك بطل ويكول شنهي الذيابه
لكنه هذا الجيل مايع شبابه
———————-


محسن فالح اللامي
اجمع بقاية الروح واوگف بهمة
وبالله استعين وفاز الضن الله يمة
———————-
الشاعر حسين الساعدي
تركض ركض مكسور شتسولف انته
وذيب الاجاك ابساع ترهب ركضته
———————-
الشاعر حسين الساعدي
هسه واجاكم ذيب وبكل سرعته
وبكمبيوتر زين هستوني جبته
———————-
علي ألمالكي
لا تامن اعله الذيب لو بسمك يصيح
طبع الغدر وياه بدمع التماسيح
———————-
الشاعر حسين الساعدي
هجت عليك اليوم ذيب وتماسيح
محد يسمعك غاد خافنك اتصيح
———————-
الشاعر حسين الساعدي
شوفوا طريقه ابساع وياكم انه
ورب العرش موجود خله ابمكانه
———————-
الشاعراحمد الكناني
من انحصر يحسين غير انته وياي
ما نكبل عله الذيب نتجه للماي
———————-
الشاعر حسين الساعدي
وحدك وجاك الذيب والموته بيده
واصحابك ابهل يوم عنك بعيده
———————-
علي ألمالكي
شتوقع من الذيب لو هد عليه
بهيمه وبنص الليل شيخلي بيه
———————-


الشاعر حسين الساعدي
وحدك امنين اتجيب كل العشيره
وانته الطحت مكسور وبهل جزيره


———————-
الشاعراحمد الكناني
الموته بيد الذيب ما اقبل بهاي
اركض ركض لو موت وكبل عله الماي
———————-


الشاعر حسين الساعدي
لو هد عليك الذيب وتخلص ابساع
بس العظام اهناك نلكاها عالكاع

منقووووووووووووووووول

[تشيللو]

مساجلة جميلة..شكراً ع الطرح..

[تّـفـاَصيلـٓ]

رائع جدا جدا
عاشت ايدك أخي

[ارجع يازمان]

مساجلة جميلة..شكراً ع الطرح..

حضورك اجمل دمت بخير

[ارجع يازمان]

رائع جدا جدا
عاشت ايدك أخي

حضوركم اروع دمتم بخير