درت وجهي وحلفت انساك بس الشوك موبيدي؟
ورى الميلاد صلبوني
شمع منذور مدري إلمـن؟؟
وبجيت إنجيل
يم عيونهم من رادن يحلمن؟
طشوني
مطر عالكاع
متبدي بتواسيلي!!
لكيت الليل يشبهني!!
امنمد روحي على النسيان صوتك ليش يندهني؟
تدنالي بحزن ليلك!!
واخذ مني عطش ملكاك بلكي اروه بتفاصيلك
بلكي من الجرف تنلاح سالفتك
بلكي من الرضاب البيك
تاخذ جربتي بشفتك!!
اهواي وجوه فاتن من ورى رموشي!!
اوجه من كل حلم شفتك!!
منيدي اتبدت الدنيا
وهواك التم
ضمير بصفنة النيّه!!
وعشكت الموت عشك الشاب
من تغازله بنيه؟
الحزن يشبه تجاعيدي
درت وجهي وحلفت انساك بس الشوك موبيدي؟
وسام قاسم سباهي
رد مع اقتباس
