خلك ماصرت لوما خليلي اتصير وصرت خلي برضاتك جي صرت خلك
علمتك عليه من الالف للياء وتغلط بالاجابه وانه اعدلك
حرثت الخاطرك بالروح مثل الكاع او بوسات او ورد كل خلكي اشتلك
شمعه انته بحياتي وعمري ضلمة ليل اشعلت روحي وخفت ماشعلك اشعلك
خاف سنين عمرك تحترك بالشوك اضمك كمت من عمري اعزلك
وعليك اسودنت موبس اغار عليك واحل روحي واكضك خايف تحلك
شلي بغيرك انته والكه مثلك وين وتتعب تلكه غيري بهل تعب شلك
ياهو العلمك وتريد تمشي بعيد سل الشوك خايف باجر يسلك
مثل ضلك جنت بالطوه نمشي اثنين ومشيت انته بضلام وضيعت ضلك
دليني عليك سنين تايه بيك وامشي وياي ادورك خاطر اندلك
عرفني اعله شخصك رايد احجي وياك بس كلمه وبعد ماغيره انكلك
وحده من الثنين او وحده راح اختار لو كلك احبك لو احب كلك
اسئل ليش احبك حتى اكلك ليش وليش اشما تسوي وياي اقبلك
لحظة موت عمري سنيني كلهن خوف وبس وياك اءمن لمن اوصلك
وانته اخر نفس واشكد عزيز اتصير وبلحظة الموت اتريدنه انملك
خيط اعله الجرح باللحم صرت وياي لو كل الجروح اطيب مافلك
تعرف كلشي بيه وماعرفت اشبيك لغز حلك لغز من يعرف يحلك
واشرد حتى اجيك ومدري ليش الخوف وخاف اتخاف مني ابسدك اختلك
مثل ضلك اضل واليل يكضي الليل ومن تطلع شمس من طولك انزلك
رد مع اقتباس
