اجاني العيد. وعيونك بعيدات
بخت غيري صفن...والصار مقسوم
عايدت الصور.بست المكاتيب
او طلعت الهداية وكلشي مضموم
الكلب ذاك الكلب.ما بدله الحال
الجديدات العلي.بس ذني الهدوم
ابهذا العيد اجتني تعايد الناس
تمنيتك تجيني بلحظه وتكوم
روحي مغيمه روحي و صار سنتين
ما تمطر بروجي شبيها الغيوم
فقر الحال ما يتسمه حرمان
المفارك حبيبه نكول محروم
ادري انه السبب ما حسبت زين
وادري بيك مني هواي مهضوم
وادري عرفوا ادري بقصتي وياك
وفوك الضيم بيك الوادم تلوم
. اجاني العيد. وعيونك بعيدات
بخت غيري صفن...والصار مقسوم
لو تدري حبيبي شكثر مشتاك
ولو تدري حبيبي شكثر مهموم
رد مع اقتباس
