مساء الخير شباب وصبايا ، عيدكم مبارك مرة أخرى وكل عام وأنتم بألف خير : في هذا الموضوع أحب نتكلم عن الألعاب الشعبية يعني الألعاب اللي نلعبها بالبيت أو بالشارع ، يعني كل عضو منكم يتفضل يكتب رد على هذا الموضوع ينطي بيه اسم لعبة معينة ويشرح طريقة لعبها حتى نتعرف على الألعاب الشعبية في العراق وياريت لو يتفضلون الأعضاء من الدول الأخرى ويشرحون لنا ألعابهم الشعبية حتى نحصل معرفة أكثر ، أنتظركم تنوروني بردودكم الرائعة ولا تنسون انطوني اسم لعبة وشرح طريقة لعبها ، تحياتي .
اسمحولي أشرح لكم لعبة ، اسم اللعبة (102) طبعاً هاي لعبة قليل اللي سامعين بيهة أو لاعبيهة ، آني شخصياً ما لاعبها لكن صديقي كان يلعبها وعلمني شلون : الطريقة هاي اللعبة تنلعب بكرة (يعني طوبة باللهجة العراقية) مكتوب على الكرة رقم 102 ويصير فريقين ، الأول يملك الكرة واللي لازم واحد من أعضاءه يمسك الكرة ويحسب من 1 الى 102 واذا تعب ممكن ينطيها لزميله في الفريق في حين يتولى بقية الأعضاء حماية زميلهم اللي ماسك الكرة من هجمات الفريق الخصم ، أما الفريق الثاني اللي هو الفريق الخصم فلازم يهاجم الفريق اللي عنده الكرة وياخذها منهم قبل ما يكملون الحساب الى 102 لأن اذا ما أخذوها رح يكمل اللي عندهم الكرة ويفوزون باللعبة . وأحلى شي لمن تتحمل ضربات الفريق الخصم من بوكسات ودفعات في سبيل تبقى محافظ على الكرة عندك ويجوز يجيك واحد ويدفعك بماء راكد وانت المسكين تتحمل السقوط بيه في سبيل تحكم الامساك بالكرة ومتخليها تفلت منك هههههههههههههه . أتمنى تكون وضحت طريقة اللعبة وتحياتي .
مبروووك الافتتاح
طبعا من الالعاب التي اتذكرها وكنا نلعبها هي لعبة بيت بيوت اعتقد هاي اللعبة جميع الاطفال يلعبوها طبعا هاي اللعبة لاتقوم على قواعد بل كل فرد من الافراد الذين يلعبونها له دور يلعبه في هذه اللعبة فمثلا البنت تلعب دور الام وهي تحمل وتدلل لعبتها حتى انها تقمطها
اما الاولاد فحسب طبيعتهم تراهم يلعبون بالمسدسات اوغيرها
وتتم هذه اللعبة تحت حبكة درامية وكأنها مسلسل يقوم احدهم بكتابته والافراد يقومون بالتمثيل
انا جيت
اخ حسن التوكي
هاي اللعب عبارة عن ستة حقول على شكل مسدس او على شكل حرف T او على شكل مربع مكون من سطرين كل سطر بي 3 حقول وتتم اللعبة بشكل رمي اي شيء بالحقول الواحد تلو الاخر لحين الوصول الى اخر حقل وطبعا في كل حقل نرمي بي الشيء الي نسميها توكية نقفز على الحقول بقدم واحدة من دون الدخول في الحقل الي بي التوكية هاي اللعبة اتمني تكون واضحة
وانا بالنسبة الي كنت ارمي كاشية او حجارة
جميل جداً شكراً على اللعبةالمشاركة الأصلية كتبت بواسطة حروف ضائعة
مبروووك الافتتاح
طبعا من الالعاب التي اتذكرها وكنا نلعبها هي لعبة بيت بيوت اعتقد هاي اللعبة جميع الاطفال يلعبوها طبعا هاي اللعبة لاتقوم على قواعد بل كل فرد من الافراد الذين يلعبونها له دور يلعبه في هذه اللعبة فمثلا البنت تلعب دور الام وهي تحمل وتدلل لعبتها حتى انها تقمطها
اما الاولاد فحسب طبيعتهم تراهم يلعبون بالمسدسات اوغيرها
وتتم هذه اللعبة تحت حبكة درامية وكأنها مسلسل يقوم احدهم بكتابته والافراد يقومون بالتمثيل
أهلاً وسهلاً بكِ بارعة ، حلو ، تذكرتها واني من كنت أشوفها أخبث على اللي يلعبوها أمسح المربعات اللي كانو البنات يرسموها بالطباشير هههههههه من صغري وأنا مشاكساخ حسن التوكي
هاي اللعب عبارة عن ستة حقول على شكل مسدس او على شكل حرف T او على شكل مربع مكون من سطرين كل سطر بي 3 حقول وتتم اللعبة بشكل رمي اي شيء بالحقول الواحد تلو الاخر لحين الوصول الى اخر حقل وطبعا في كل حقل نرمي بي الشيء الي نسميها توكية نقفز على الحقول بقدم واحدة من دون الدخول في الحقل الي بي التوكية هاي اللعبة اتمني تكون واضحة
وانا بالنسبة الي كنت ارمي كاشية او حجارة
اللعبات الي مجربهن دعابل ،102 , توكي
ايضاً لعبة الدوامة او يسميها البعض الناعور :
نلف حولها الخيط بعدين نرميها على الارض اطول وحدة تبقى تفتر بالارض هو الفائز
من كانوا الولد يخربون علينا البنات تضل تصيح وتبجي ومرات يكونن قوات مسلحة وخطية الولد يتندمون على التدخل السافر على البنات
العاب قبل احلى موهسه العاب اون لاين ومااعرف شنو قبل العاب بسيطة لكن فيها لذة
اي شنسوي اذا احنة نريد نلعب طوبة بالشارع وحضرتكم البنات متلعبون الّا بمكان لعبنا نضطر نخرب لعبتكم ، روحو ليغاد الّا بملعبنا ؟ ههههههههه بس صدك ألعاب قبل كانت أحلى وأمتع تونّس مو مثل هسة ماكو اجتماع بالآخرين بس عبر النت وكلهن ألعاب حرب تثير الطابع العنيف لدى الزعاطيط أأأ قصدي الأطفال هههههههههه
