هنا

[فقار الكرخي]

اليحبنه لـ علي لازم احساسه يكــون
احـسـاس الـفـراشـه التحط عالورده
شرط حته الرصيف يمره نسمة ريح
بـتـرافه يـدوسه كون برجله ميمرده
علي مربي الرصيف لهالسبب الأيتام
تـحـب النومه فوگه وتعشگ الگعده
اليحبنه لـ عـلـي يفتهم مـعنـه العيب
اذا سـَيــَر يــدگ الــبــاب لـــو پـــرده
اذا سـاعـد فـقـيـر يساعده من الروح
مـــو يـگـعـد بـجـيـبـه يـدور الـخـرده
اليحبنه لـ عـلـي أهــلاً بحـلـگـه لسان
مـــو بـابـه لـلـسـائـل حـلـگـه مـيـرده
علي ينحب عُمُر مو فقط وكت العوز
اليمشي بــدربــه يـعـرف يعبـر الشِده
اليفتهمك عـلـي بـأخـرتـه ميطب نـار
اليفتهمك صــدگ مـنـتـظـرتـه الـجنه
علي من ينطي چان يصير وجهَ گفاه
خـاطـر مــا يـحـسـس سـائـلـه بـ مِنَه
علي چف الله يمكن چان فوگ الگاع
علي مـن الله يـنـطـي مـو بـأمـر مـنه
علي مـو مـال واحـد مـال كـل الناس
الـشـيـعه التركمـان الصـابئـة الـسـنـه




م

[سمراء من قوم عيسى]

عاشت الايادي

[علي الشمري]

السلام عليك ياسيدي ويا مولاي
يا اسد الله الغالب

علي ينحب عُمُر مو فقط وكت العوز

[فقار الكرخي]

نورتو

[حہيہدر الہبغہداديہ]

نترقب المزيد من جديدك الرائع..
دمت ودام لنا روعه مواضيعك.

[انثى مخمليةة]

عاشت ايدك ،،