(غلطة مرت وانتهت )گالاهة ياس
وانة غلطة بكلبي متروسة جمر
انة كلي مدوهن ومابيه حيل
كلبي هاي ايامة كاعد يحتضر
بغدرك انت للخيانة افتحت باب
ومن فعلتك وضحت معنى الغدر
انت واحد من زغر نقصك وفاء
خزف طبعك وبسهولة تنكسر
هواي عالم حذورك من الحليم
بلغضب هوة تراهي.ينفجر
لاتقارن روحك بروحي وتسوم
فرق بين نجوم ليلك والضهر
تهدد بهجر خفت لالا تروح
يعني هجرك شنو تدفني بكبر
يوسف ويعقوب ومريت العزيز
ماكو اكبر بعد من هاذا الهجر
انت تدري بكلبك شبي من صفات
تحوله مرات لصخر مرة حجر
انة منك عندي فد كومة جروح
الجان هوة زغير من عندك كبر
تريدني اتنازل وذل لامستحل
طبع بية مااحب انة اعتذر
عندي انه حجاية وحدة من الاخير
(غلطه مرت وانتهت )من العمر
رد مع اقتباس