هنا

[تّـفـاَصيلـٓ]

اهلا باجر عيد ...
وانعيـد ..
ونحرك بيت ابو اسعيد ..
ابو إسعيد كرابتنه ..
نذبحله دجاجتنه ..
دجاجتنه العراقيه ..
تسوى الف وتسع ميـه ؟!
_______________
باجر عيد .. لو قصه ؟
واحنه ارواحنه مخلصه
وخافنه يجي اسعيد
وتصادف كاضيه الحصه ..
جا شنخلي لسعيد ..
نذبحله دجاجتنه !
! نجيب احنه الدجاجه منين ؟!
وامس بعناهن بألفيـن ؟
جا بطران يسعيد ..!
___________________
باجر عيد لو ورطه ..؟
رجفنه ومالكينه اغطه ..
بيعنا الغطه والفرش والماعون ..
وماعازت كصصنه وباعت النكطه "
ولا واحد لغفنه وصرنه حدر ابطه ..
نجوع نجوع كلش .. حد يدكنه الجوع ..
وهذولاكَ بعدنه انطيح بالخطه ...
___________________
باجر عيد لو حيره!؟
ومامش حتى كنديره!
نزرزر ثوبنه المهزول..
الماعدنه هدم غيره!
ودينه انتداين ثوب من الجار.
لمن ماصعب عالثوب تزريره...
ثاري احنه اشوه منهم ثوبنه المهزول!؟
عريانه صفت كل وادم الديره!!.
___________________
باجر عيد .. لو بلوه ؟
مريض ومالكيت إدوه ..
وصفولي الدوه كلش ابعيد ابعيد ...
ولا بيه انا حيل وعالدرب يكوه..
ولا عندي واكلف وادفع الكروه ::..
بير من الوجع ومن النزف ضليت ..
وعليه الجوع كام وشد عزم دلوه !!
شمرني اعلى النصيصه .. وظنته اركد ماي
مايدري صكر واتعلى عالعلوه ..
تضيع سنين عمري وتنكسر وتضيع ..
ما همني العمر .. وسنيني كلت فدوه
بس همني الوكت جي عاشر الموخوش ..
وجي وله علينه ناس ما تسوه ..
_____________________

[تشيللو]

اهلا باجر عيد ...
وانعيـد ..
ونحرك بيت ابو اسعيد ..
هاي احلى وحدة تذكرني بأيام قبل هههههه
شكراً..

[علي الشمري]

عاشت الايادي
حلوووو
ذكرتينه بالماضي

[جورية]

هههه حلووو عاشت ايدج