مرحبا كيفكن ؟؟ شو الأخبار
بعرف مافيكن تردو علي بس من باب بدايه حوار او ممكن حديث
حبيت غير شوي عن الشعر واحكي بالعاميه كونها اقرب للنفس
واحكي عني .. انا بنت عاديه وبسيطه كتير وعفويه وهاي اول سلبيه عندي ..
عمري 22 من شهر كان ميلادي .. حياتي الأتنين وعشرين لو بدي شوفها بشكل عام
ممكن قسمها كا نسب .. 50% حزن 30 % سعاده 20 % مشاعر مخربطه ..
ومقتنعه فيها لانها اراده ربنا وكل ما يمر علي يوم قاسي بتقرب لـ الله اكتر وهالشي بيزيدايماني .. ماني رضيانه بالحزن
ولاني ضعيفه لـ ئلو لكن الظروف والأمور هي اللي بتفوتو لعالمي
عندي قوه كافيه اني خبي حزني .. لكن بيوصل لمرحله صعب كتمانو وبينفجر .. بلا مانحكي عن الحزن
السعاده بحياتي الحمد الله ع طول موجوده بعد كل وجع والم بلاقي سعاده كبيرة تنسيني كل شي ..
مابعرف شو بدي اكتب ههه اول مره بحكي عن حالي .. بحب الكل يعرفني من غير ما احكي .. لانو وئت احكي سهل الكل يعرف
لكن صعب يفهم وهون بتبلش المشكله … لازم هو يعرف ليفهمني متل ما انا لانو مابيصير كمان عرفو وفهمو وئلو كيف بيتعامل معي
بتطلع كانو دميه وبحركها متل مابدي .. وهالشي مابيستهويني ^^
هلأ عم اشرب ئهوة وعم اسمع موسيقى يونانيه عزف ع البيانو .. كتير حلووو هيك نوعيه موسيقى
اعتزلت الأغاني فتره طويله كتير وكمان الـ tv صار كل شي متشابه والأفكار وحده وتقليد للغرب بشكل مقرف
هواياتي الكتابه وبحب اقرأ وبكسب المعلومات وبتعلم اي شي جديد ..
يعني تعلمت فنون الشعر و الرسم والعزف والرقص والطبخ والديكور هههه .. وكتير ..بطبعي بعشق المغامره وكل شي جديد علي
ولابمل من الشي القديم لاكن عندي شويه مشكله مع المراء.. لما مايكون ئلي مراء مابعمل الشغله ولو كان فرض واجباري
مستحيل .. من الأشخاص اللي صعب كتير ينفرض عليون شي .. لكن بالين بيصير كل شي ..
هلأ احكيت عني بشكل سريع .... غير مره بصير خبركن فلسفتي ههه لا تخافو مو كتير فيلسوفه .. لكن بعدين بتعرفووو
وبحكيلن عن يومياتي ....بعدين هاي يوميات
كمان رح تسرقوها ههههه
وهلأ يوم حلو للجميع
رد مع اقتباس
المشاركة الأصلية كتبت بواسطة إبتسامة فاترة
