واشتريت من فتره روايه عنوانها ( كذبه واحده تكفي ) من سلسله روايات أحلام
تقريبا صرت بصفحه 70 القصه بختصار لبنت تحدت رجل وورطتو بخطبه وهو اصلن بالاساس مابيعرفها يعني تبلتو مزبوط هههه
بس بدل ما تبتزو بلش هو يستفيد من الوضع ويقهر فيها
حلوة كتير شخصيه ريتشردز هاد اسمو بالروايه .. رجل واثق من حالو صادق صريح مثقف ومرح
وغآآآمض يعني شخصيه روعه .. فـ بدي اعرف كيف رح تنتهي هالقصه وشو فيها احداث
اي عم ئلكن بعد ما تصفحت النت ئعدت اقرأ هالروايه ..
وأززززززززز ....!!!!
عم يوصلني مسج ع الموبايل .. ماتوقعت مين المرسل بنوووب .. وبس فتحتها وقرأتها.. ماحسيت بشي..
كانها مسج من شركه اتصالات مائلها اي معنى .. ولا حسيت جواتي بـ شي اتجاه المكتوب
سبحان الله اشخاص فيهن يخلدو جواتك ذكرى حلوة او ذكرى وجع
وفيه اشخاص متل ما اجو متل ماراحو .. هالموضوع مابيخصنا نحنا لا بيخص الطرف التاني وكيف فيه يأثر ع قلوبنا
بعد ماسكرت من المسج .. رجعت ع النت شووي لشوف مدونتي العزيزه
انبسطت من يآللي عم يقرأ مدونتي وبيتابعها
عم توصلني كل مسجاتكن ع فكره وحبيت التواصل كتير .. وبتمنى من اللي عم ينتقد يعطيني انتقادو بشكل صحيح
ومزبوط ..
مو لانو ما تعرفت عليه بشكل مباشر بيبلش ينتقد كتاباتي ..
انا عندي انو يحكي علي انا ولا كلماتي
لانو انا شخصيه فيها الاجابي والسلبي اطباع وانطباع وتطبع ..
لكن انو يحكي عن مشاعر هو مائلو اي حق يهاجمني فيها لانها شي عشتو وبترجمو ..
فيه يطورني شعريا لغويا انا معو وبتمنى هالشي وحابه كتير اني اطوووور
لكن شو مضمون الخاطره ماحدا ئلو اي حق ينتقد ..
من زمان ماحدا اهتم بتفاصيل حياتي ودقق ع كل شي الصغيرة قبل الكبيرة
عنجد ممكن لدقايق بس فرح قلبي من جوا ..
اللهم حقق لأحبتي ما يتمنون يآ مستجيب الدعااااء
وهلأ بدي انهي هالحكي ..
حبيت اكتب عن هاليوم 7-2-2011
لانو كان اكتر الايام هدوووء بنسبه لوداع الروح
بتمنالكن ايام حلووووة وشكرا ع المتابعه ههه
سلآم
رد مع اقتباس