هنا

[فقار الكرخي]

أجانه العيد بس العيد معيود
نفس جروحنه ونفس المأآسي
يتامى هواي عدنه وعاشو بعوز
واليعيد من صدگ بس السياسي




كلشي ولاتجيني وتوصل الباب
يعيد الله تره البيه يكفي
يعيد الﮕالك مرتاح ڇذاب
لهسه بنار ذاك العيد اطفي






هذا عيـــد اللــــــه شنگــــــل لاحساسـنــــا
واحنــــه حســـــره البينــــت بانفاسنــــا
ارجـــــــع وخل يرجـــــع الشـــــــوگ القديـــــــم
ونكتـــــــل العاده التگــــــــول الله كريـــــــــم
وباذن كل شامـــــــــت تدگ اجراسنــــــــــا
عايدونا ودوروا دمعــــاتنـــــــــا
رادوا يعرفـــــــــون البيناتنــــــا
شـــيب المفـــارگ هذاك الي بنـــــوه
دوروا بوجوهنا بـــــــس ما لگــــوه
غشمــــــه ويدورون شيــــــــب براسنـــــا






‏عدنه العيد مانضحك ابد بيه
تخاف سنونه وماضنها تگدر
احنه اول بشر بس نضحك نگول
وره هذا الضحك
بس الله يستر










رآح أضملي شكم فلس كدامي عيد
لأن ذاك العيد طحت بمشكلـــــــــه
شفت كل صحباني ملبسهم جديد
وآني ثوبي الكاع ما تتحملـــــــــــه
كعدو كبالي وعلي يتنادســــــــون
شوف هذا هدومة دوم مبهذلــــــة
كضة عمره امجلب بنفس القميص
حتى يوم العيد شو ما بدلــــــــــة











عيد الله بس عيديش عيد المگابر
بلوجه فرحة عيد وبلگلب چادر

انه المشتگلك وانزف بعد وفراگ
ومو بس عيد اشوفك وجهك عياد
حلات العيد نگعد انه وياك
ومن خَدك ابوسك وأخذ مراد

ما انزل مجاز العيد مو ليه
شكل لتفكتي لو هدت ايديه
اهي لو نصر لو موت
الحظاله بوحده مبخوت
انه معاهد علي انفوت
واجيبنها الرمادي ابحظنه عيديه
ما انزل مجاز العيد مو ليه








كل عام واحنه ?بالف
بس بالف ?دينار?
مدري يكفي ?للغده
مدري يكفي ?للعشه
مدري يكفي ?ايجار










ربي أرجوك مانريده العيد
أنه كل حزن مزروع بيه,,,
شلون أعيد وافرح وارتاح
وانه فأكد الف وسبعميه,,,







اليفطر بشوفه حبيبه
عنده كل رمضان عيد

شلون يعني اتريـد اعيد
وأحتفل والبس جـديد ؟
وآنه عيني بنصها كَاعـد
شاب لـو شايب شهيـد
العيد خلـه العيـد لآهـلــه
يـافـرح انطينـــي مهلــه
بعده أحمـر مـــاي دجله
ذاك راس وهــــاي إيـــد
شلون يعني اتريد اعيد

عيد المبارك يمن كلبي نساك
كون تعمه اعيوني اذا اباوع وراك
كون اشم كتال ابوي ولا ارد اشتم هواك
خلص رمضان الجمعنه وباجر افطر من وراك
عيد المبارك على المني خذاك ....







ها يعيد؟؟شعندك وشتسوي اجيت
راح عمري وكلشي من عندي خذيت
اخذو الفرحه من ادينا
لا صرخنه ولاحجينه
هيج راحو غفل ولوحدي بقيت
هايعيد شعندك وشتسوي اجيت







هذا العيد ابنمن هم ابن رمضان
كــون ابن الصيام اشعنده فاطر
اكو عيد السياسي ايخلص ابلبنان
وكــو عيد ام شهيد ابنص مـگابر
وكـو عيد اليمرني والبس اجـديد
وكـو عيد الاخوتي اعـله السواتر
احــذرك لا تكـلي ايــامك ابـخير
جاهل چـلمتك وبــروحي عــاگر






كل هلا بجيتك بس لاتجيني
خلك فرح ياعيد بس لهل ديني









اليحب من صدك ماينتضر عيد
ولا يحتاج دب احمر هديه
الاحمر مااحبه سبايكر بي!
يذكرني بدمهم والقضيه




مانحبه
شگدنكرهه..
هذاالليسمونه عيد
شكثرمربينه قبل
واحنه مانلبس جديد
احنه فقره
بس ابونه چان ألنه
وراح تاليهه شهيد..




ياثوب
صبرك علي طلعني بس هل عيد
صدگني منك بعد كلشي ابد ما اريد
ياثوب شكراً الك ادريك مو مرمر
ما بين شگ وفتگ سويتك مشجر
واحد بواحد سوه بليل ندثر
واحدنه عنده صبر كل يوم بسمة نزيد
ياثوب حتى لحلم هم بيه نتلاگه
اني بحرير حلمت وانته أعله تعلاگه
ضربات حظي جزن ما وحده اجت شاگه
ادري الاريدة سهل لكن عليه بعيد
ياثوب صبرك علي طلعني بس هل عيد

[أنيـــن الذكريــات]

جميل

[ابو علي المياحي]

عاشت ايدك

[اوسو$]

عاشت ايدك ,,,,,,,,,,,,,,بالتوفيق

[3laa]

كله كلام حزن ما بي شعر غزل

[الملاذ الاخير]

شكراً جزيلاً للنقل الرائع فقار

[فقار الكرخي]

نورتو الموضوع يالغوالي

[فقار الكرخي]

شلون يعني اتريـد اعيد
وأحتفل والبس جـديد ؟
وآنه عيني بنصها كَاعـد
شاب لـو شايب شهيـد
العيد خلـه العيـد لآهـلــه
يـافـرح انطينـــي مهلــه
بعده أحمـر مـــاي دجله
ذاك راس وهــــاي إيـــد
شلون يعني اتريد اعيد

[فقار الكرخي]

انه المشتگلك وانزف بعد وفراگ
ومو بس عيد اشوفك وجهك عياد
حلات العيد نگعد انه وياك
ومن خَدك ابوسك وأخذ مراد

[علي الشمري]

اختيار جميل ياصديقي
احسنت