هنا

[فقار الكرخي]

أعَيِد بيش
وك يا عيد
لو مريت !!!


وإفرض جيت


شلبس من تمر يا ثوب
ونه هدومي كلتها دموع صحباني


دمعـه هـنـا
طير هنا
ورده هنا
مني الگاع أخذت ناس
لحد مـا خلصت ردانـي


چنت بستان
من چانو أحبابي طيور ... يمي إتطير
خذتهم طلقة الصياد
بإسم الوطن و الغيرة .. لحد ما يبس بستاني


گبل چانو إعزاري هواي
و أنتظرك تمر يا عيد
بس من جيت أباوع باقي بس أني


لا تزعل عليه شبيك
وك يا عيد
و العباس
من رمضان أخاف هواي ... أعطش بي فقط للماي
بس المشكلة من يروح أعطش شوفة إخواني


گظو الاحباب
أشمنهم و أدزهم ورد للميدان
كلسا شاب منهم طاح
المفروض ينقتلون لجل الگاع
بس بورد وك يا عيد
مو بسلاح


طاحت ناس
والفراش المفروض ميطيحون
رغم ما همه حيل كبار بيهم واهس يلعبون


مشتلك ناس وك يا وطن چن عميان
ما حسبو حساب الموت
مقتنعين
هيمانين
مشتاقين
فدوه لخاطرك يرحون


وإنته تريد أعَيِد بيك
وك يا عيد
هاي شبيك ماكو إحساس
تفشل شفتي من البوس ... تدري يعاتب لساني


أعَيِد بيش
وك يا عيد
لو مريت !!!


وإفرض جيت
شلبس من تمر يا ثوب
ونه هدومي كلتها دموع صحباني






م

[أنيـــن الذكريــات]

روووووعة

[فقار الكرخي]

منورة

[سمراء من قوم عيسى]

عاشت ايدك يامبدع

[علي الشمري]

عاشت الايادي
تقييم عيديه

[ديره ورد]

جميل جداا

[جنـات]

جميل جداا

[حسين الصياد]

عاشت الايادي عالنقل الجميل

[مرتضى علي]

مؤثرة ، جميلة…
الله يكون بعون عوائل الشهداء و المفقودين
شكراً

[فقار الكرخي]

نورتوني