مثل حيدر علي اقسم فلا ينعاد
مثل طيبه وحنـــــــانه وعطره وانفاسه
كرار ويهز الكون بالصولات
بس جدا رقيـــــق بدمعة احســـاسه
طلگ دنيته من عمره ست سنين
وزرع كل غيرته بوجـــــــــــدان عباسه
گلبه بس محبه ايفيض عالاسلام
حبيب وهالمحـــــــبه اوياه من ساسه
يحضن بالفقير ويطعم الجوعان
يداريهم مثل احبــــــابه وي ناسه
دمعته اعله اليتم اتهل حنان وطيب
عاشت هاليـــــــــــــتامه بجود نوماسه
ابن ملجم تعده اعله الوصي الكرار
لان يدري اليتـــــــــامه اتعيش من باسه
اذن قصده اليتامه اتموت من الجوع
وتطيح بطبرة الكرار من راسه
نواب الشعب خل تقره هالابيات
وخل تاخذ درس من عنده هالساسه
رد مع اقتباس
