قصيدة عذرا أيها الشهيد فالقوافي عرقت خجلاً من نحرك ( عن لسان حال الشهيد كاظم) 2015
قصيدة عذرا أيها الشهيد فالقوافي عرقت خجلاً من نحرك ( عن لسان حال الشهيد كاظم ذبيح الفلوجة ابن الناصرية ) 2015
عذرا أيها الشهيد فانت اكرم منا ومن قوافينا
عذرا أيها البطل فانت التأريخ
عذرا أيها العزيز فالقوافي عرقت خجلاً من نحرك
عذرا لنحرك لدمك لصبرك
فما اقدمه قليل بحقك
(( مقطوعه عن لسان حال الشهيد كاظم))
غريب ودم وريدي ايسولف اعله الحگ
قبلت انه انذبح بس مـــــــاقبلت انطگ
انه ابن الناصريه الكل شـــعبها أيتام
وابن الزيجها ابليلة عــــرســها انشگ
مامحتاج كرسي احتاج رمح اطـــويل
من يـــنگطع راســي اعلـــيه يــــتعلّگ
وما محتاج سمعه ولبــــــس ليله ويوم
انه احتاج ثـــــوب الـــدمه ألـما يعتگ
تـــمزگ ثـوب نـحري اتـحمّلت ويــهون
بــــس لا ثــوب بـت الشـــرف يـــتمزّگ
ولــچ يالناصريه اشـــــكثر دمچ حـــار
شلتي حـــمول غيرچ لـمن ظهرچ طـگ
(كاظم) واشكثر كاظم ابـــــگلبي هموم
بــس دم الـــولايه ابــنحري يـــتمحرگ
ومشيت أو ودّعت اربــــع بــنات ازغار
وادري اعمارهن بـــدموعهن تــــــغرگ
بس الغيره ركضت ركضت اطــــويريج
حافي ومـــا لواني الــموت مــن تـــفّگ
ومــا همّيت مــوتي وخــنجر الــــــذبّاح
انه الهظم روحي وحســرتي امشــــبّگ
الشاعر عماش الاسدي
رد مع اقتباس
