بأثمن مامسكت يــد التاريخ من أقلام
واغلى بما يسمى بماء الذهب
وفاءاً للشعر والشعراء
كُتبَ على جبين العراق
(( الــبــــصــــرة ))
للبصره اليجي لازم يجي خيال
لان فرسان عدهم مالهم كبوه
ذواقت مواقف وزلم تكليف
المعدل معدل هيه موكوه
يثورون الرصاص بعلم موش شبطيش
يعرفون التفك بالمعركة شيسوة
كَاع البصرة تحفر نفط خو معروف
بس احفر سماها تنكط أمروة
معدنها الصلب بالساس مو تعلوم
ورثوها المراجل مالكَوا لكَوة
اذا طبها خفيف تسمعة ويجلون
يرد منها ثكَيل مطرز بخوة
الملكَة تكول حضرة منين ماطبيت
تلكَة اليحيي بيك اليهوة واليهوة
شما كبرت البصرة تظل عزيزة جروح
وتظل بزاد اهلها راسها شعلووووة
ميثم فالح
رد مع اقتباس
المشاركة الأصلية كتبت بواسطة abas satar
