بالانتخابات العامة السابقة
عدنا بالعراق
المن انتخبت انت ؟ وهل ندمت على اختيارك ؟
وهل وقع الفاس بالراس وبعد ما يفيد الكلام ؟
اريد اتكلم عن رئيس الوزراء نوري المالكي بحيادية
طبعا اني ما انتخبت الرجل ولا كان عندي اي مشاعر سياسية او طائفية تجاهه
لكن
كيف تكون رئيس وزراء وكل واحد من وزرائك يشتغل بتعليمات الحزب مالته ؟
شلون يستتب الامن وكل جهه سياسية تمتلك مليشيا داخل الدولة او خارجها وتعبر عن نفسها وتفرض وجودها
بالوسائل التقليدية الي عرفناها بعد الاحتلال من تفجير واغتيال ؟
شلون تعمل بحكومة نص منتسبيها مشاركين باعمال قتل وتفجير ؟
شلون تشكل دولة مؤسسات وكل مؤسسة لو وزارة تابعه لدولة اجنبية مجاوره او غير مجاورة
وتنفذ اجنداتها ؟
ولا تكدر تطرد وزير او مسئول او تستجوبه بسبب الفساد لانه اجا عن طريق المحاصصة
وبعدين يصير نقص طائفي ؟
شلون تحاسب المسئول واول الاعذار يكلك هذا استهداف سياسي ؟
شلون تنظف البلد من العصابات الارهابية
وانت بس تشن حملة على اوكار الارهاب , يكلك استهداف طائفي
واعتقالات عشوائبة ؟
شلون تدير امور الدولة وكل حزب او فئة
يفرضون الامر الواقع عليك بسرقة اموال البلد واحتلال اجزاء منه لصالحها
ويتشبثون بالدستور ؟
وشلون وشلون
طبعا رغم كل السلبيات الي رافقت اداء حكومة المالكي الاولى والثانية
لكن الرجل نجح في الكثير من الامور رغم الضغوطات الداخلية والخارجية
واستتباب الامن كان ابرز ما قام به
اعود واؤكد اني لا انتمي لحزبه ولم انتخبه
لكني ارى انه قام بالكثير من الامور الجيدة التي لم يستطع غيره القيام بها
كما اني لم احس يوما ان نفسه طائفي او ان اجندته خارجية مجاورية
لكن امريكا هي المتحكم وليس لنا الا ان نسمع كلامها
رد مع اقتباس