هلوساتي - 3
شكد اجتي شركات بالعراق
وسوت استثمارات ؟
طبعا هوايه بس تركيا مدخلة 170 شركة تبني وتستثمر
عندي سؤال ؟
هل الاستثمار هو استنزاف لطاقات البلد وامواله ؟ ومشاريع للاستهلاك ؟
ام هناك مفاهيم اخرى للاستثمار يعرفها العاملين في مجالي التنمية والاقتصاد
وانا فهمي لا يدركها لاني غير مطلع ولا صاحب اختصاص ؟
قبل لا تحجون عليه اريد اكول ليش اني فكرت هلشكل
استثمارات الشركات الغربية في قطاع النفط هو خط احمر
ممنوع حتى التفكير به وليس النطق باسمه
ما النا شغل قابل نفط بيت الي خلفونا
زين
بقية الاستثمارات كالآتي :
بناء شقق ووحدات سكنية بالتقسيط وراح نسكن بيها ونكعد ونسكت
هاي اذا طلعت صدك مو وهمية
بناء منتزهات ومدن العاب مثل هايه الى فرحان بيها محامي الحب وجايب صورها
ورحنا ولعبنا وتونسنا احنا وجهالنا ورجعنا للبيت
بناء احدث المولات وفق المعايير الدولية
ونروح ونصرف فلوسنا ونشتري شغلات اكثرها ما نستخدمها
لانه عدنا نهم للتسوق
استيراد سيارات حديثة
كلها طك عطيه افضل وحده بيهن ما تعيشلها سنتين ثلاثة
على هلبانزين والطسات والخ واني متعجب ليش الدهن مال الطعام جاي يجيبو
بعلب بلاستيك , لانه ديصنعون من التنك سيارات
اكو شركة تركية يمنا اخذت فندق الموصل الدولي
استثمار
يعمرو ويأثثو ويصبغو ويجيبون طاقم ادارة وعمال من عدهم
وتروح تكعد بالكازينوات مالته تصرفلك خمسين ستين الف وترجع
زين
كل هاي المشاريع بيها عيوب
اولا - ولا واحد عراقي راح يشتغل بيها
ثانيا - استهلاك وسحب عملة للخارج دائمي
ثالثا - عدم وجود تنمية للبلد في قطاعات الاقتصاد المختلفة من انشاء الصناعات او المشاريع الزراعية
او تربية الحيوانات الخ
فقط مشاريع للاستهلاك وسحب العملة الصعبة الى خارج البلد ويبقى البلد يراوح بمكانه
وتبقى البنية التحتية هشة وقطاع الطاقة يعتمد على الاستيراد وقطاع الطماطة ايضا وتبقى البطالة
وتبقى الابواب الي تجينا منها الريح ما تنسد ولا نستريح
يلا روحوا نامو وتغطو زين .... دوختوني
رد مع اقتباس
