بلا عنوان
......
جميلة جدا .. افتتاح موفق ..
بلا عنوان
......
جميلة جدا .. افتتاح موفق ..
شكرا اخي انرت
بيني وبين نفسي اشكد افكربيك
واكول اشمعنه انته الشاغل اضنوني
مو اول محب خاطر تشل الحال
ولااول جمال اتشوفك عيوني
شجاها الروح يمك ذبت الاسرار
وليش ارجف عليك وينخطف لوني
وحتى الناس كامت تعرف بهل الحال
ومااعرف شكلهم من يسألوني
يطبون بصفنتي وعنك يدورون
ويلكوني افكربيك يلكوني
وصاحت كلها صاحت انت بكت افلان
وماعندي لكوك وبيك تهموني
تهموني بمحبتك والله لويدرون
على الظيم البيه جاه ظلو يواسوني
تريد تروح عني؟؟!بيا بخت؟يا دين؟
تتركني رماد بروح محتركه
اخذ ويّاك كلبي بدمعه والاحزان
حطه بجنطتك وبراحتك طبّكه
احسّن بيه تهستر مو كلب‘مجنون
يريد وياك يرحل والجلد شكه
احس عمري جكاره وبعدك انته النار
عاشرته بحناني ولهفة الشهكه
يا نسمة برد جتني بسموم الصيف
وبعزّ الجحيم وقمة الخنكه
لا ترحل ..تريد لوين وين تروح؟
محتاجك دفو وجفوف ايدْي زركه
متلعثم لساني وخايفه الكلمات
اقسملك بعينك تكتل الحركه
أسألك ليش من تروح متگــول ؟؟
تخلـيني بسـؤال يزاحـم أفكاري
ولا واحـد أسألـه اعليك وارتاح
غربـة الناس محـد جابـلك طاري
بعـدك روحي ضاگت نكهة الموت
كلـش منتهي و مو زينـة أخباري
تطفـة النار ندري ابرشـة المـاي
أشربت دجلة وبقت مشتعلة ناري !؟
بقت آثار دمـعي بوجهـي شگّين
دواي بلمسة ايدك تنمحـي آثاري
تعـال بطيف مرني ونگعد آنة وياك
ضيف بروحي تگعد مو فقط داري
روح لباب بيتك شوفني شخليت ؟
أثر جـدمي أتركت گد انتظـاريء
يلوجهج صبح تجفلني نسماتــــــــــــــــــــ ـــــه
ويل شعرج سواد ألليل يا ألليل العشك اشطوله
ساعاتــــــــــــــــــــ ــــــــــه
ويل الرموشج سيوف أبشاط ذبحن ركبت الولهان
أوعزفن لحن من نغمات وناتــــــــــــــــــــه
من ضي الكمر ضي الخدود البيج عاشك والعشك
مفضوحه سكتاتــــــــــــــــــــ ــه
يل حجيج همس ويناغي شفايف ريح ذاب ألريح
من همسات جلماتــــــــــــــــــــ ـــــــــه
أنا أتمنى كحل وغفى برموش العين ونزل دمع من تبجين ولثم هاي وجناتـــــــــــــــــــه
لوضفيره على المتون أتنان حتى اشتم عطر من ريح جناتــــــــــــــــــه
لوشامه على الخدود اتغازل الوجنات غزل الكمر
بعيون نجماتــــــــــــــــــــ ــــه
***
موحقهن يغارن منج كل بنات الكون لأن مابيهن
البيج معتليه العرش والحسن انتي مولاتــــــــــــــــه
************
يافي النخل يا صوت العصافير يادجله العذب
متباهي بذاتــــــــــه
يــــــادمعة فرح يا طعم ليلة عيد ياشبكة مفارك ياغزر دمعاتة
يا حلى غنوه من شفاف( فيروز)يا نشوة خمر
باشهى كاساتـــــــــــــــه
لكتبلج قوافي من الشعر انواع وارفع للعشك بيض راياته ورفع ااعشك بيض راياته
بعد كلمة احبك ما تجي ويـــآك
شأگلك وآنه روحي تعلگت بيك
وبعـد صدگ ولا اجيبك على البال
بوسط الـبـــال اجيبنك واخليك
ولا اصيحك بعد بـــأسمك يمحبوب
بعد ( بيك انه هايم ) راح اسميك
واذا مو يمي تبقى الروح ويآك
أذن شيصير لو باٌلروح اخليك
وانت بعيد أحسك بيه مــوجود
واذا مو يمي يم الروح أحس بيك
بنص الروح احسك وانتَ ماكو
أذن شيصير لو يمي آنه ادنيك
كلشي ولا اشوفك مني زعــلان
واذا زعلان مني بدمعي اراضيك
أنتَ وياي شجرة ورافكَت ماي
وانطتك عمرها شرايد انطيـك
بطلت البواچــي عله اليروحون
وعليك دموعـي تنزل من أحاچيك
عليك تعودت صرت انه وياك
وذا وياك كَلي شلون امـر بيك
صدّگ يلـ ( أحبك ) مآتجي ويآك
وأذا أكَلك أحبك مــــا تـكفيك
يسألوني اعله حالي شبيك مابيك
اشو وجــهك كئيب ولونه شاحب
وجاوبهم وأكـــول الحـمد لله
بس عيني عكس شفتي تجـاوب
واتيهم أحــاول مـا يحسـون
ادري عيـــون شـماتي تراقب
وضحك شفــتي كدام اليسألون
وأنه بصدري حزن يلطــم مواكب
يكــلولي ضحكتك باردة هواي
...وشو للصفنـــه دومك حيل راغب
... كبل چانت ضحكتك مالـــية البيت
ولسانك حرك كلش امشاغب
شجاك شغيرك وشصـــاير وياك
توزع همـــوم وبيدك چن محاسب
يعرفوني احبك تدري هاي الناس
كل الناس صارت تعرف بامري
حتى المايعرفك يدري احبك موت
يعرفونك حبيبي وصاحبي وعمري
عرفوا حتى اسمك عرفوا العنوان
يدرون بغرامك بالكلب يجري
يعرفوني اريدك مااريد انساك
عجيبة شلون عرفوا سري لبصدري
اني فضحت روحي شلون وياي
اسولف بيك صاير واني ماادري
قسمة وكتبها الزمن,,وشاء الله ان نفترك
وصرت اعله طولي جرح,,ويلجمني طاري العشك
ليل وشماتة وصبر,,كمت بهذني اختنك
ومن اصفن لوحدي,,اسمع صدى الذاكرة,, ابيبان كلبي يدك
من كبل ما نفترك
الله تذكر قبل..؟
مرجوحة اشوفك جنت,, واحساس كلبي طفل
وبفراكك اتيتمت,,افراكك عليه صعب
لتشوفة عندك سهل
يسالوني عن فركتك,,ولوحدة دمعي يهل
شكد ابجي من انسال
وشلون هسه صرت
جمرة اني وانت هوه,,ولمن تجيني اشتعل
ولو رحت عني انطفي,,وبالحالتين انكتل..!
من اصفن وي الدمع,,بالواهس المنكسر
ابقى اسال بروحي
بعين الشماتة ازغرت ,, لو كبرن جروحي
تعلمت من عشرتك,,ما معنى حضن امي
اشكد صعبة من التفت,,والكاك مو يمي
ويمي الشماتة حجوا,,ما ادري همه شحجوا
بس احترك دمي
واليفتهم حالتي,,بس الجكارة بقت
وياي طولت خلك
وشلون عدها صبر,,تتحمل لخاطري,, وماتحجي من تحترك
تفاركنة صوج الزمن,,مدري البخت ماكعد
ماتدري وين الصدك..