ساعه اسكت واكولن هسه راح ارتاح
وساعه اركض واهيجن واتبع آثارك
ياهيبت نخل شنهي القساوه البيك
ليك بشوك اجتي تطوف زوارك
داريتك عمر وبدمعي چنت ازكيك
وصرت بير لحضرتك وادفن اسرارك
ماضكت الرطب بس نوه حصتي وياك
وللغربه شلع رخصته جمارك
تلوعني بغيابك ثار مني تريد
شني حرب البسوس الماخلص ثارك ؟
وينك بس درد باب العتب مفتوح
واقبل حتى لو كل لحظه نتعارك
آنه ادري بجحا بسماره دكه اباب
وانت اعله الكلب دكيته بسمارك ..
نسيتك وانتهى كلشي ويــــــاك
وبعد اثار حبك مااحس بيهــــن
وطيبت الجروح البيه خليتهــــن
وبديت جروحي بأبعادك اداويهن
لملمت دمعي وحلفت انســاك
وكل صفحات العشك وياك أطويهن
واذا ضنك لاويتني بخيانتك هاي
اني اصلا ادينك من كبل لاويهن
ادك بيبان الوفه ارد اسأل عليك
يفتحلي باب الغدر والكاك ماليهن
شكم ليله مرت بالحزن وحدي
وتخيلتك سمج بالبحر صايديهن
علمت نفسي على فراكك دوم
وكتله يا كلبي نيرانك اطفيهن
وحلمت بدنيه سعيدة انته مو وياي
وفرحت باحلامي لان صورتك مابيهن
واذا شفت الليالي ردتك فد يوم
اوصيك سلملي عليهن من تلاكيهن
واذا مريت للاشجار الجمعتني وياك
سميتهن بأسمك أمسح اساميهن
تذكر من جنت اغنيلك اغاني الشوك
بعد ارجوك ماريد بصوتك لا تغنيهن
وطيور الحب لا تنسه توكلهـــــن
وشكد ماتكدر اريدك دوم تداريهن
وفن ليه وانته حبيبي وما وفيت
ونكرت كل خيراتي الجنت اسويهن
نسيتك بعد ومات حبك بكلبي
وبديت طعناتك بضهري اشافيهن
حرامات الكمر شكد سهرته وياي
والنجوم الي ربك بالسمه محليهن
فرحن من عاينني اضحك وياك
وصدكوا ضحكتك تتمضحك عليهن
حاولت اذكر حروفك ماطلعن وياي
عاندني لساني مايرضى احجيهن
من شفتك كبل مثل ورده وياي
عفت الورد كله وماشميت بيهن
ومن شفتك تهدم الي بنيته وياك
بعد دمرت الليالي ليش اني ابنيهن
وحتى الايام المره ماتت اليوم
وبقت ايام حلوه اني احييهن
اسأل كلبك هم عرف يوفي وياك
علمه بس يوفي وخطواته يمشيهن
صحيح بجيت من شفتك تــــــروح
وبديت دموعي بخدودي ارثيهـــن
عبر عندي الدمع فوك الجفن وياي
وحاولت اوشل بدموعي واجفيهن
وبدل ماابجي فكرت اضحك اليوم
نزلت دمعات الفرح وهلهلت بيهن
وجلبت بأمل ارجع من جديد اوكف
وانسه عشرتك وطيوفك امحيهن
واذا عاينت اصابيعي دكت البيبان
اني اقسم بربك اله اجويهـــــــن
يكولون العراق انتهى وراح
اكوللهم ﻻ لهسه عطره يفوح من القداح
يكولون العراق الم وعذاب وجراح
اكوللهم الفرح موجود وبيدنا المفتاح
يكولون شلون والعبوات والمفخخات وكل واحد شايل سلاح
اكوللهم اذا صرنا كلب على كلب
وأيد وحده نبني بلدنا
وننشد ( موطني ) بعالي الصوت وصياح
ونكول للعالم الي تراهنوا على نهايتنا
المستقبل ألنا وكل همنا ينزاح
العراق ذهب
العراقية الماس
العراقي وفه
العراقية احساس
العراقيين رغم الظروف يبقون احسن ناس
اني احبك حب خيالي وحب عجيب
ومن هويتك صرت بالحب افتهم
وصرت من تحزن احس كلشي حزين
وتضحك الدنيا اذا بس تبتسم
عالي انته كلش صعبه اوصل هواك
وكمت اشوفك حتى اعلى من النجم
وردت بس بالحلم اوصلك واجيك
وحتى بيك الحلم هم صاير حلم
شنو ذنبه الوطن يوميه مجروح؟؟
ويصرخ من جروحه ومحد يسمعه
مسكين اتخدع هالوطن بالناس
بقى محتار دوم وعايش بخدعه
إبتسم رغم الجرح حسباله تهواه
وكلهه اعداه حيه ورايده تلسعه
وبقى يبجي بدمع وبحسره وهموم
اووينه الي ينشف هالوكت دمعه
ويوميه انفجار وابرياء تموت
وصبح اسم الامان من ايده مضيعه
وينزف جرح ولده وابد ميطيب
ومُرطعم الصبر مايكدر يجرعه
كم ام بابنهه تألمت اليوم
شكثر شهدت جرح وشكثر منفجعه
من شافت دماه اعلى الارض سال
وصاحت (آه يمه)وركضت مفرعه
يلم ناسه العراق يريد هاليوم
ويتمنى بأمل ترجعله الأحباب
ياربِّ الوطن بأحبابه تجمعه
ونحبكـ ياوطن صدّكنه نهواكـ
ياغاية امل بدروبنه وشمعه
اجه العيد وجذب بس بالاسم موجود
يا عيد البدون ارض الوطن يحلى
اذا تسمع بجنة وكاعد ومرتاح
تعال وشوف نارالبية مشتعله
جنة بغربة تكتل وطن لو بي نار
اذا يمك احبابك فنك تبدله
محلاها وابوك بضحكة تتلكاه
ايامك سعيدة وطيبة تكله
ودعاء الوالدة اللي تسمعه ومشتاك
الله يحفظك ابني وريت تتعله
يمه العيد وحشة شلون اكضي اليوم
واني بعيد عنكم روحي مُحتلة
تسكنها الكآبة ..الوحدة والاشواق
الفرح ايجار كاعد حزني يتسله
ادمنت الهوا ومفتقد شمة عيد
عندك يا عراق من النفس اغلى
هنياله الحضر والشاف عيده هناك
وهنياله السجد بالجامع وصلى
ولو ادري الجوامع هدموها انذال
بس الحشر باجر تحشر الملة
والماخذ كتابه بيمنته يعليه
والماخذ كتابه بيسرته يذله
تفجر مسجد وتكتل مصلي شلون؟
يا دين السمح يا مذهب يقبله؟
ادري العيشة صعبة وسيئة الاوضاع
وادري اللغز باقي ومحد يحله
بس لازم ارد محتاج اشوف احباب
بشوفتهم بخير عيوني متأمله
راجع يا هلي ولا تصدكون بيوم
اعوفنكم واروح وعنكم اتخله
ﺻﺒﺎﺡ ﺍﻟﺨﻴﺮ ﻳﻤﻪ ﺗﻠـﮕﻲ ﺍﺑﻨﭻ ﺟﺎﻱ
ﮔﻮﻣﻲ ﻣﻦ ﺍﻟﮕﺒﺮ ﻭﺑﻠﻬﻔﻪ ﺷﻤﻴﻨﻲ
ﺻﺒﺎﺡ ﺍﻟﺨﻴﺮ ﻳﻤﻪ ﻭﮔﻮﻣﻲ ﺍﻓﺘﺤﻲ ﺍﻟﺒﺎﺏ
ﻃﻮﻟﺖ ﺑﻐﻴﺎﺑﻲ ﺍﺭﺟﻮﭺ ﺍﻋﺬﺭﻳﻨﻲ
ﻣﺮﺕ ﻣﺪﻩ ﻳﻤﻪ ﻭﺭﺳﻤﻲ ﻋﻨﭻ ﻏﺎﺏ
ﺑﺲ ﻣﻮﺑﻴﺪﻱ ﻭﺍﻟﻠﻪ ﻭﺯﻳﻦ ﺗﺪﺭﻳﻨﻲ
ﺍﻧﻪ ﻭﻟﻴﺪﭺ ﻳﻴﻤﻪ ﻭﻣﺎﺃﺧﻮﻥ ﺭﺑﺎﭺ
ﺑﺲ ﺍﻟﻐﺮﺑﻪ ﺣﺎﻟﺖ ﺑﻴﻨﭻ ﻭﺑﻴﻨﻲ
ﮔﻮﻣﻴﻠﻲ ﻳﻴﻤﻪ ﻭﻛﺴﺮﻱ ﺍﻟﺴﺮﺩﺍﺏ
ﻭﺑﻨﻔﺲ ﺍﻟﭽﻔﻦ ﻭﻳﺎﭺ ﻏﻄﻴﻨﻲ
ﮔﻮﻣﻴﻠﻲ ﻳﻴﻤﻪ ﺑﮕﻠﺒﻲ ﺗﺴﻌﺮ ﻧﺎﺭ
ﻣﺤﺘﺎﺝ ﻟﺤﻨﺎﻧﭻ ﻓﺪﻭﻩ ﺿﻤﻴﻨﻲ
ﮔﻮﻣﻴﻠﻲ ﻳﻴﻤﻪ ﻋﻴﻮﻧﻲ ﺍﺟﺖ ﺧﻄﺎﺭ
ﺗﺸﻜﻴﻠﭻ ﻋﺬﺍﺑﻲ ﻭﻏﺮﺑﺔ ﺳﻨﻴﻨﻲ
ﺍﺳﻤﻌﻴﻨﻲ ﺍﺳﻤﻌﻴﻨﻲ ﺍﺳﻤﻌﻴﻨﻲ
ﺍﺭﻳﺪ ﺑﮕﺒﺮﺝ ﺍﻏﻔﻪ ،، ﻭﻳﺎﭺ ﺧﻠﻴﻨﻲ
ﻣﻦ ﻳﻮﻡ ﺍﻟﺪﻓﻨﺘﭻ ﻳﻤﻪ ﻣﺎﻣﺮﺗﺎﺡ
ﺷﻠﺖ ﺍﻟﻬﻢ ﻳﻴﻤﻪ ﻣﻨﻬﺪ ﻋﺸﺮﻳﻨﻲ
ﻭﻃﻠﮕﺖ ﺍﻟﻔﺮﺡ ﻳﺎﻳﻤﻪ ﺛﻠﺚ ﺍﻳﻤﺎﻥ
ﻭﺭﺑﻄﺖ ﺍﻟﺤﺰﻥ ﺷﺪﻳﺘﻪ ﺑﻴﻤﻴﻨﻲ
ﻻﻥ ﻣﺎﺃﮔﺪﺭ ﺍﻧﺴﻪ ﻭﺩﺍﻋﺘﭻ ﻣﻌﺬﻭﺭ
ﺍﺳﻤﭻ ﻫﻮ ﺩﻣﻲ ﻭﻛﻞ ﺷﺮﺍﻳﻴﻨﻲ
ﮔﻮﻣﻴﻠﻲ ﻳﻴﻤﻪ ﻭﺩﺍﻋﺘﭻ ﺗﻌﺒﺎﻥ
ﺑﺲ ﺑﺸﻮﻓﭻ ﺍﺑﺮﻩ ﻭﺗﺒﺘﺴﻢ ﻋﻴﻨﻲ
ﺑﺲ ﺍﻧﺘﻲ ﺍﻟﻮﺣﻴﺪﻩ ﺍﻟﻘﺎﺩﺭﻩ ﺑﻬﺎﻟﻜﻮﻥ
ﺑﺘﺮﺍﺏ ﺍﻟﭽﻔﻦ ﻳﺤﺒﻴﺒﻪ ﺗﺸﺮﻳﻨﻲ
ﺍﺳﻤﻌﻴﻨﻲ ﻳﻴﻤﻪ ﻭﮔﻮﻣﻲ ﺍﺗﺮﺟﺎﭺ
ﻣﺎﻣﺮﺟﻴﻪ ﻣﻨﭻ ﻫﻴﭽﻲ ﺗﺎﺫﻳﻨﻲ
ﮔﻮﻣﻴﻠﻲ ﺁﻧﻪ ﺟﻴﺘﭻ ﻣﺎﺃﺭﻳﺪ ﺍﻋﺬﺍﺭ
ﻃﺸﺮﻧﻲ ﺍﻟﻮﻛﺖ ﻳﺎﻳﻤﻪ ﻟﻤﻴﻨﻲ
ﻃﺒﻌﭻ ﻭﺁﻧﻪ ﺍﻋﺮﻓﭻ ﻣﻠﮕﻪ ﻟﻠﺨﻄﺎﺭ
ﺧﻄﺎﺭﭺ ﻋﺰﻳﺰ ﻭﻣﺎﺗﻔﺸﻠﻴﻨﻲ
ﺍﻧﻔﻀﻲ ﺗﺮﺍﺏ ﮔﺒﺮﺝ ﻛﺴﺮﻱ ﺍﻟﺴﺮﺩﺍﺏ
ﻭﺑﻄﻴﺒﺖ ﻛﻼﻣﭻ ﻳﻤﻪ ﺣﺎﭼﻴﻨﻲ
ﻣﺤﺘﺎﺝ ﺍﻟﻨﺼﻴﺤﻪ ﻭﺩﺍﻋﺘﭻ ﻣﺤﺘﺎﺭ
ﺷﻮﺭﻳﻨﻲ ﻳﺎﺃﻣﻲ ﺍﺭﺟﻮﭺ ﺍﻧﺼﺤﻴﻨﻲ
ﺍﻋﺮﻓﭻ ﺍﻧﺘﻲ ﺩﻭﻣﭻ ﻣﺎﻃﺒﮕﺘﻲ ﺍﻟﺒﺎﺏ
ﺷﻨﻬﻮ ﺍﻟﻐﻴﺮﭺ ﻳﺤﺒﻴﺒﻪ ﻓﻬﻤﻴﻨﻲ ؟
ﻣﻮ ﭼﻨﺖ ﺁﻧﻪ ﺃﺃﻣﺮ ﻭﺣﺪﻱ ﺑﻬﺎﻟﻜﻮﻥ
ﻭﻟﻮﺧﻠﺺ ﺣﻠﻴﺒﭻ ، ﺩﻡ ﺗﺮﺿﻌﻴﻨﻲ
ﻭﻟﻮ ﻣﺮﻧﻲ ﺍﻟﻜﺪﺭ ﻭﺍﻵﻩ ﻭﺍﻻﺣﺰﺍﻥ
ﺑﻌﻴﻮﻧﭻ ﻳﻴﻤﻪ ﺍﻧﺘﻲ ﺍﻟﺘﺸﺎﻓﻴﻨﻲ
ﺍﺳﻤﻌﻴﻨﻲ ﻳﺎﺃﻣﻲ ﺍﺭﺟﻮﭺ ﺍﺳﻤﻌﻴﻨﻲ
ﺍﺭﻳﺪ ﺍﻟﻴﻮﻡ ﺍﻭﻓﻲ ﺷﻮﻳﻪ ﻣﻦ ﺩﻳﻨﻲ
ﻣﻌﺬﻭﺭﻩ ﻳﺎﺍﻣﻲ ﻭﺍﺩﺭﻱ ﻣﻠﻚ ﺍﻟﻤﻮﺕ
ﻣﺎﻳﻌﺮﻑ ﺭﺣﻢ ﻻﻓﺮﺻﻪ ﻳﻨﻄﻴﻨﻲ
ﺍﺧﺬ ﻣﻨﻲ ﺍﻟﺤﺒﻴﺒﻪ ﺍﻟﺤﺘﻰ ﺭﺏ ﺍﻟﻜﻮﻥ
ﺿﻞ ﻃﻮﻝ ﺍﻟﻌﻤﺮ ﺑﻴﻬﺎ ﻳﻮﺻﻴﻨﻲ
ﺍﻋﺬﺭﭺ ﻭﺍﻟﻠﻪ ﻳﻤﻪ ﻭﻣﺎﻋﻠﻴﭻ ﻗﺼﻮﺭ
ﻟﻮﻣﺎ ﺑﺎﻟﻠﺤﺪ ﭼﺎ ﻭﺍﻟﻠﻪ ﺷﻠﺘﻴﻨﻲ
ﺍﺣﺒﭻ ﻭﺍﺑﻘﻰ ﺍﺣﺒﭻ ﻵﺧﺮ ﺍﻻﻧﻔﺎﺱ
ﭼﻲ ﻣﻦ ﻧﻮﺭ ﻭﺟﻬﭻ ﻛﻤﻠﺖ ﺩﻳﻨﻲ
لم غراضك وامشي ياعيد لبعيد
واسف واعتذر چي صوتي عالي
اذا تفكر تجينه بيوم جيب وياك
عداله وضحكه اريد اتحطهن اكبالي
طفل شفته وبيده شايل بس جروح
وطفل شفته الذهب بيده يلالي
اشوف الناس تلبس بالجديد وناس
اشو نفس الملابس طابعه ابالي
مايقبلها الله وﻻ نبي يشوف
نص الشفته اني ودمر احوالي
شفت بالعيد واحد ساكن البيت
ما يكدر يعوفه وجيبه خالي
فنان من احب وبكيفي احــط الوان
ولونك من ضوه بكل لوحــــه خطيته
مااحلم گبل ماريــــــــد اتعب العين
بس طيفك اجــه وعالعين دليته
شفت بالحلم چنه انتة صـحت الله
كظيت الحلم ولصـــــــدري ضميته
مو انته وگلت لا والله انتة يجــــــــوز
چنه انته وخدعنـــــي مــن انهجم بيته
ابقى يتيم مناطر الباب بخلگ
مايوم ابطّل وابقى ليك متاني
ادري الدهر وسيوف طعناة اليضدّ
خلن اثر بالضهر بس ماعاني
لك ياسيدي
