هنا

[علياء الموسوي]

راح اوصي العين ماتدمع اذا شافت صوركم..
راح اعود الروح.. ماتجفل اذا ينجاب اسمكم..
راح اوصي الجدم..يبعد عن دربكم..
(وما امر ابكل حديقه..
خاف اشوف الورد وتذكر عطركم)
... وما اسولف وي احد..
خاف نص السالفه واغلط باسمكم..
فرني دولاب اليالي..
وشالني بروجه حسنكم ..
وصرت متغرب..
وانتم عند اهلكم..
غيركم ماعندي احد..
ثاري غيري هواي عدكم..
يالذنب كل الليالي..
وحوبة ايامي ابختكم..
يلي خنتونه ابدقيقه..
عمري كله ماخنتكم..
كااااافي منكم

[علياء الموسوي]

أقبل رجعتك بس عندي كومه شروط
أولهن تردلي سنين محسوبه
وثانيهن شبابي الهدر بين أوراق وسهر
ذيـچ الليالي المالهن حوبه
وثالثهن دموعي الصبّن بفرگـاك على كل دمعه
أفصلك فصل منهوبه ورابعهن تروح
تسكّت الشّمات وتگلّهم حيل أحبّه وأبقه محبوبه

[علياء الموسوي]

أنا عيوني تسولف عالغرام ويّاك
ومن عيوني أعرفك تفتهم قصدي ما أحب الوكت
لو خلص بلـيّاك بالقرأن محد حبك بگــدي
وإذا تنساني صدگ آني ما آنساك
لأنْ غيرك محب بالدنيا ماعندي .

[علياء الموسوي]

مو كل اليحب آيعيش فرحان ..
اكو واحد يحب بس هو يائس
واكو لمن يحب آيصارع الموت ..
ميهمه يصارع ألف فارس ينشدونه
آعله قيس وليلى كل يوم ..
أشو محد ذكر بالعشـگ عابس

[علياء الموسوي]

تعال وياك أخذني
وخــل نروح آبعيد ونعيش الفرحه
كافي وخل نعوف الهـمّ تعبنه الوكـت
والقدر بينه يدوس مجروحين آحنه
والجرح يلجـم محد بينه داري
وعذبانه الحـآل وألك هذا الحچـي
يلّ وحـدك آلتفهم كل شي يخـون بينه
لكن انّه ويّآك أبد منخون حبنه وربك اليعلم

[علياء الموسوي]

تعال ولا تظني عليك زعلان
چا هوالگلب من نبضه يزعل صدگني أبد
ما همني الصار ولا زهرة محبتك عندي تذبل
مو انه دفنتك حدر العيون أشوفن بيك ساعه
وبيك آندل عذبني هواك ومرمر الروح
وآگـولنّ ما يهم هو يتدلل

[علياء الموسوي]

ﻻ‌ تحچي بعنف من تنصح الناس
آبدي بعيب نفسك يلّـه تتكلم الگدامك بشر
مو كومة آحجار لذلك من تجرحه تشوفه يتألم
آبدي بكلمة طيبه ورقّـة واحساس
حتى يحب حديثك ومنّه يتعلم

[علياء الموسوي]

ليش العالم هيج ويانه
احنا شسوينه بدنيانه
حظ ماعدنه !
والكل ضدنه !
ناس تجذب !
وبينه تعذب !
ماعدهم ذرة احساس

الخاين ينحب !
فوگ الغيم الناس ترفعه
والطيب جرحه
بنص گلبه
ومحد بيه يحس !

احنا شبينه
وشموازينه
نحب اليحجي
وميحس بينه

الله اليعلم
احنا شبينه
ليش العالم هيج ويانه ؟
اللي نقدره
بالخير نذكره
بالشر هيج يجازينه ؟

كافي ياناس
كافي انسونه
عذبتونه وجرحتونه
مو ملينه وماخلينه
كلشي انطينه
حسو بينه

الله يشوف
وما يرحم
كلمن يظلم
ويحجي علينه !

[علياء الموسوي]

أحببـــتكِ دون لقــــاء
أحببتكِ يا صورة فى خيالى
أحببتكِ يا نبضاً فى قلبى
أحببتكِ يا أسطورة فى حياتى
حبيبتى أنتِ نور يضيئ الظلمة
أنتِ قلب يزيل العتمة
أنتِ حب يبعد العذاب عنى
أنتِ حب يقرب البعد مني
حبيبتى فأنتِ الحلم البعيد الساكن
بين أنجم الخيال يا من إنتشلتينى من عالمى
نحو عالم الطيبة والوفاء دق الحب بابى فتحت
له مرحباً بعد ما عرفت أن الطارق هو أنتِ
جعلتي قلبى لكي مسكناً وعيونى لكِ جنة أنتِ صنعتيها
فأصبحتي كل حياتى رغم بعادكِ ..

[علياء الموسوي]

اريد اكتب احبك لكن اشلون يابيت الاكتبه
ارجع اعيده حتى خيوط فكري مخربطه
تصير مدري اشلون اكمل هالقصيده
من كلمة احبك اني مليت
اريد اكتب الك كلمه جديده
مامطروقه ماسامعها انسان
مامذكوره بكتاب وجريده
وماريد القلم يكتبها الك
كون يكتبها الكلب من دم وريده