وينـكم
،
صـارت دمـوعي سـواتـر
يلبـد بسـدها الحـزن لـو مـر ذكـركـم
وينكـم
،
اشهگ الفرحـة بحقـد
خايـف انسـى بيـوم أحبكـم
،
والورد حتـى الورد
مابعـد ارتـاح اشمـه
يعصر جروحـي بقهـر وانزف عطـركم
وينـكم
،
صـارت دمـوعي سـواتـر
يلبـد بسـدها الحـزن لـو مـر ذكـركـم
وينكـم
،
اشهگ الفرحـة بحقـد
خايـف انسـى بيـوم أحبكـم
،
والورد حتـى الورد
مابعـد ارتـاح اشمـه
يعصر جروحـي بقهـر وانزف عطـركم
أنا عنك ما اخبرتهم
لكنهم لمحوك في اعماقِ
انا عنك ماكلمتهم
لكنهم قرأوك في حبري وفي اوراقي
وينـكم
،
يل كسرتوا جناح حبنه ؛ وادري كلمات العتب
ماتوصّلني لدربكم
،
گلبي جوه الشجرة حاير ؛ لملم جروحي القديمة
وگاعد يناشد غصنكم
وينـكم
،
والحنين يمارس القسوة بحسرتي
يسحگ ضلوعي الحزينة ويرتشف آهات حبكم
وينكـم
،
وانتوا نسمة ليل ترفه تغازل بعفه الشواطي
يمتى توصلني واشمكم
وينـكم
،
والفـراق اثبت وجودة
وقيد الكـــــون بقيودة
وحارب اللهفة البريئة
وحشد جيوشه الحقودة
،
حاول يشيل المحبة ومـــا احــن واشتــــاگ إلكم
وحاول ويــاي بكل وسيلة يريـــد يبعدنــي عنكم
واني وياكم نهر ما يحب يغفه بجرف إلا جرفكم
بس الدمع منه يصح
من ابجي بالليل انسمع
لاعندك مروه وتحس
خليتني ابطرك النفس
وبعشرتي ماكو ربح
وينكم
،
مو حتى چلمات القصائد ما اخطها إلا بأسمكم
يعنـي معقولـة انتهينـه وماتـت اللهفـة بگلبـكم
يعنـي معقولة النـوارس ماخـذت مرسالي إلكم
خاف ناسين المحبّة وغيري ماخذ كل عقلكم
★
وينكم
★
والنجـوم هنـاك شـاهــــــد چـانـت تـشـوف الحـقيـقـة
نسهـر ويكبـــــر عشگنـه ورد يضــوي بكـل حديقـة
والسوالف، والسوالف حلوة منكم حيل شفافة ورقيقة
★
وآآآآآه منكم
وآه من گلبي وحزنكم
وآه من كل دمعة نزلت تحرگ خدودي لأجلكم
وينكم
وآنــي زفيـت الأمانـي مثل زفـة بنــت يتيمة
تمسح الدمعة اعله خدها بكل معانيها الأليمة
،
وهـذا عمـري سنيـن خلّـص بـس سـراب
انعي فرگاكم واتاني وضاعت ايام الشباب
كافي مليت المحطة وكافي احزان وعذاب
وينكم
آني ما انكـر احبكـم ولا ابـد فـي يـوم اذمــكم
خايف القصة الحـزينة تصيـر عثـرات بدربكم
وخايف من جروح گلبي تروح وتعاتب گلبكم
وهذا آخـر شوگ بيـه وآخـر انفاسـي بأسمكم