عرفت الينكسر يتجبر ايطيب,,
ولينكسركلبه ضاع وكته,,
تاهت روحه وضل يحلم ابطيف,,
ملكه وطيفه هجرك ماني ردته,,
الـي انطاك عمره اله شنطيت,,
رمح بعدك اجاني ابضهري تخته,,
النهرينهضم لوماترس جرفه الماي,,
الوفي وخانوه هاذ اتموته قصته,,
شرط كل المفارك ينزف ادموع,,
المفارك شمس ذبلت وردته,,
الحباله كمر من الله شيريد,,
عكسنا الليل ماداخ بــ صفنته,,
اليكضي لليل ساهرحقه ولهان,,
مومثلي كلت خده دمعته,,
بخيت الحضى ابولفه حيل محضوض
اعلوك انشد اذا انطب قرفته,,
بس العافه ولفه اشرايد ايكول,,
هوه الخاني لو انه خنته,,
التحبه وماتكله هجي قلطان,,
تــتــندم اذا مرتك زفته,,
ذيج الساعه عودك تصفك الايد,,
أدموعك هيه التبين خسرته
الـ بسن الشباب وشيب الراس,,
موحضه ولاكن حض غسمته,,
وذا كتله يوم العرس وااااالله ,,,
كأنك شامت وجرحه لجمته,,
المسافرعليه الناس تنشد دوم,,
اخو خيته ولاكن مالكه اخته,,
لكا بالبيت ضجه ولكا اخوانه اتكول,,
اختك فدوه الك خليها سكته,,,
اخوي ايكلي انطوني مره وفلوس,,
ثاري الفصل ولفي وماعرفته,,,,
كاظم الخفاجي
رد مع اقتباس
المشاركة الأصلية كتبت بواسطة ايام الوداع
