وين لاكيته وكسرته؟حسين الساعدي
انه وانته
والوكت طال ابصفنته
ياعرس
سولف ابدمعة شاعر ومعروفه قصته!
ياكُمر
يترك الليل !وياكثر ليل السهرته!
أنه شاعر
ماكتب كلمة احبك الا وانصبت دمعته
وانته شاطر
قشمرت كلبي اليحبك ما كلت انته الجرحته!
انه وانته
انه مكشوف ابخيالي وبالسهوله انته الكشفته!
وانته يا سر الليالي! الحاولت بس ما عرفته!!
هاكثر وانته اعله بالي
هاكثر عود انته غالي
وقابل ادموعي ابضحكته!
انه وانته!
انه
دمعه
انكتبت ابكل القصايد
وانته
رُكبه
الضاويه ابكل الكَلايد
وبكثر
ما فرحوا اهلك
دمعه بعيون السواعد!
ياحلم حيل انتظرته
تالي ودعني القسمته
اشلون انسه؟
وانه شاعر
والشعر باسمك كتبته؟
انه وانته
لكن المستغرب الها
اشلون شخصته وعرفته؟
خاطري
المحد يشوفه
وين لاكيته وكسرته؟
وين لاكيته وكسرته!
انه وانته
االساعدي
رد مع اقتباس
المشاركة الأصلية كتبت بواسطة محمد الدون
